ସିଟି ସ୍କୁଲରେ ପ୍ରଧାନ ଶିକ୍ଷୟତ୍ରୀଙ୍କ ଜୁଲମ, 10 ଦିନରୁ ଧାରଣାରେ ଛାତ୍ରଛାତ୍ରୀ

ପ୍ରଧାନ ଶିକ୍ଷୟତ୍ରୀଙ୍କ ଜୁଲମ ପ୍ରତିବାଦରେ 10 ଦିନ ହେଲା ଧାରଣାରେ ବସିଛନ୍ତି ସିଟି ସ୍କୁଲର ଛାତ୍ରଛାତ୍ରୀ । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲାରେ ।

ବାଲେଶ୍ବର: ପ୍ରଧାନ ଶିକ୍ଷୟତ୍ରୀଙ୍କ ଜୁଲମ ପ୍ରତିବାଦରେ ସିଟି ସ୍କୁଲ ଛାତ୍ରଛାତ୍ରୀଙ୍କ ଧାରଣା । ଦିନେ କି ଦୁଇ ଦିନ ନୁହେଁ ଦୀର୍ଘ 10 ଦିନ ହେଲା ଆନ୍ଦୋଳନରେ ବସିଛନ୍ତି ଛାତ୍ରଛାତ୍ରୀ । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲାରେ ।

ଜିଲ୍ଲାରେ ଥିବା ବାଗୁଡି ପ୍ରାରମ୍ଭିକ ଶିକ୍ଷକ ଶିକ୍ଷାନୁଷ୍ଠାନର ପ୍ରଧାନ ଶିକ୍ଷୟତ୍ରୀଙ୍କ ଛାତ୍ରଛାତ୍ରୀଙ୍କୁ ବିଭିନ୍ନ କାର୍ଯ୍ୟରେ ଲଗାଉଥିବା ଅଭିଯୋଗ ହୋଇଛି । ମାଟି ହାଣିବା ଠାରୁ ଆରମ୍ଭ କରି ଘାସ ଓପାଡିବା, ଟ୍ରାକ୍ଟରରେ ମାଟି ସମତୁଳ କରିବା ଭଳି କାର୍ଯ୍ୟ କରିବାକୁ ବାଧ୍ୟ କରୁଛନ୍ତି ଶିକ୍ଷୟତ୍ରୀ । ଯାହାର ପ୍ରତିବାଦରେ ଆନ୍ଦୋଳନ କରୁଛନ୍ତି ଛାତ୍ରଛାତ୍ରୀ । ପ୍ରଧାନଶିକ୍ଷୟତ୍ରୀ ଜୟମାଳା ସେଠୀଙ୍କ ବଦଳି କରିବାକୁ ସେମାନେ ଦାବି କରିଛନ୍ତି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ