ସରପଞ୍ଚଙ୍କ ସ୍ବାମୀଙ୍କଠାରୁ ଲାଞ୍ଚ ନେଇ ଫସିଲେ ମୁଖ୍ୟ କିରାଣୀ

ଭାଇରାଲ ହେଉଛି ଲାଞ୍ଚ ନେବା ସମୟର ଭିଡିଓ । ବାହାନଗା ବ୍ଲକରେ ମୁଖ୍ୟ କିରାଣୀଙ୍କ ପିସି କାରବାର ଅଭିଯୋଗ । ଅଧିକ ପଢନ୍ତୁ...

ବାଲେଶ୍ୱର:ଭାଇରାଲ ହେଉଛି ଲାଞ୍ଚ ନେବା ସମୟର ଭିଡିଓ । ବାହାନଗା ବ୍ଲକ କାର୍ଯ୍ୟାଳୟର ମୁଖ୍ୟ କିରାଣୀ ସୁରେନ୍ଦ୍ର ବେହେରାଙ୍କୁ ସାହାସପୁରା ସରପଞ୍ଚ ଅଞ୍ଜୁଲତା ସାହୁଙ୍କ ସ୍ୱାମୀ ଚିତ୍ତ ରଞ୍ଜନ ସାହୁ ବ୍ଲକ ଅଫିସରେ ୫ ହଜାର ଟଙ୍କା ଲାଞ୍ଚ ଦେଉଥିବାର ଭିଡ଼ିଓ ଭାଇରାଲ ହୋଇଛି। କୈଣସି ଏକ ଉନ୍ନୟନ ମୂଳକ କାର୍ଯ୍ୟ ପାଇଁ ଏହି ଲାଞ୍ଚ ଦିଆଯାଇଥିବା ଅଭିଯୋଗ ହୋଇଛି । ଯାହାକି ପିସି କାରବାର ବ୍ଲକରେ କେଉଁ ମାତ୍ରାରେ ଚାଲିଛି ତାହା ଜଳଜଳ ହୋଇ ବାରି ହେଉଛି।

ସରକାରୀ ଅଫିସରେ କେଉଁଥି ପାଇଁ ଏହି ଟଙ୍କା କାରବାର ହେଉଛି ତାହା କିଛି ସ୍ପଷ୍ଟ ହୋଇ ନଥିବା ବେଳେ ସରକାରୀ ବାବୁଙ୍କ ଏମିତି ଭିଡ଼ିଓ ଏବେ ଜୋରଦାର ଭାଇରାଲ ହେବାରେ ଲାଗିଛି । ଏନେଇ କୈଣସି ଅଧିକାରୀଙ୍କ ପ୍ରତିକ୍ରିୟା ମିଳି ନ ଥିବା ବେଳେ ସ୍ଥାନୀୟ ଅଞ୍ଚଳରେ ଏହା ଚର୍ଚ୍ଚାର ବିଷୟ ପାଲଟିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ