କୂଅରେ ପଡି ଯୁବକ ମୃତ

ସଜନାଗଗଡ଼ ବଜାରର ପରବାସିଆ ନାମକ ଯୁବକ ନିଜ ବାଡିରେ ଥିବା ଏକ ଖୋଲା କୂଅରେ ଅସାବଧାନତା ଯୋଗୁଁ ପଡିଯାଇ ମୃତ୍ୟୁ ହୋଇଛି ।

ବାଲେଶ୍ଵର: କୂଅରେ ପଡି ଜଣେ ଯୁବକଙ୍କ ମୃତ୍ୟୁ ହୋଇଛି । ଏଭଳି ଅଘଟଣ ଘଟିଛି ସଜନାଗଗଡ଼ ବଜାରରେ । ମୃତ ଯୁବକ ବଜାର ନିକଟସ୍ଥ ସ୍ବର୍ଗତ ପୂର୍ଣ୍ଣଚନ୍ଦ୍ର ଖାଲପାଳିଆଙ୍କ ପୁଅ ପରବାସିଆ ।

ପରବାସିଆ ନିଜ ବାଡିରେ ଥିବା ଏକ ଖୋଲା କୂଅରେ ଅସାବଧାନତା ଯୋଗୁଁ ପଡି ଯାଇଥିଲେ । ଖବର ପାଇ ପରିବାର ଲୋକେ ନୀଳଗିରି ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଯୁବକକୁ କୂଅରୁ ଉଦ୍ଧାର କରି ନୀଳଗିରି ମେଡ଼ିକାଲରେ ଭର୍ତ୍ତି କରିଥିଲେ। ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ