ବାଲେଶ୍ଵର:ବ୍ୟବସାୟୀଙ୍କୁ ବିଭତ୍ସ ହତ୍ୟା । ହତ୍ୟାକାଣ୍ତର ପ୍ରକୃତ କାରଣ ଏବେବି ରହିଛି ଅଷ୍ପଷ୍ଟ । ମୃତକ ହେଉଛନ୍ତି ରମେଶ ଚନ୍ଦ୍ର ବେହେରା । ପ୍ରଥମେ ଗୁଳି ଓ ପରେ ହାଣି ହତ୍ୟା କରାଯାଇଥିବା କୁହାଯାଉଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ,ବାଲେଶ୍ଵର ଶିଳ୍ପାଞ୍ଚଳ ଥାନା ଅଚ୍ୟୁତପୁର ଗାଁ ପାଖ ବାଇପାସ ରାସ୍ତାରେ ରମେଶଙ୍କୁ ହତ୍ୟା କରାଯାଇଛି । ରମେଶ ଜମି ପ୍ଲଟିଂ କରି ବିକ୍ରି କରୁଥିବା ବେଳେ ସେହି କାରଣରୁ ଶତୃତା ସୃଷ୍ଟି ହୋଇ ତାଙ୍କୁ ହତ୍ୟା କରାଯାଇଛି ବୋଲି ସନ୍ଦେହ କରାଯାଉଛି। ଚାନ୍ଦା ଆଦାୟକୁ ନେଇ ମଧ୍ୟ ଏହି ହତ୍ୟାକାଣ୍ଡ ସଙ୍ଗଠିତ ହୋଇଛି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି। ରମେଶଙ୍କ ଘର ଜାନୁଗଞ୍ଜ ସ୍ଥିତ ଗଣେଶ୍ବରପୁର ଗାଁରେ ବୋଲି ଜଣାପଡିଛି। ଘଟଣାର ଛାନଭିନ ଆରମ୍ଭ କରିଛି ପୋଲିସ ।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
