ବାଲେଶ୍ଵର: ଗୋଟିଏ ପଟେ ରାଜ୍ୟ ସରକାର 5ଟି ଓ 'ମୋ ସରକାର' କାର୍ଯ୍ୟକ୍ରମ କରି ଦାୟିତ୍ବରେ ଖିଲାପ କରୁଥିବା ସରକାରୀ ବାବୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି । ଆଉ ଅନ୍ୟପଟେ ରୋଗୀଙ୍କ ପାଇଁ ଥିବା ମାଗଣା ସରକାରୀ ସେବା ଯୋଗାଇ ଦେବା କର୍ମଚାରୀମାନେ ରୋଗୀଙ୍କ ସମ୍ପର୍କୀୟଙ୍କୁ ଲାଞ୍ଚ ମାଗୁଥିବା ଦେଖାଯାଇଛି । ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟର ଜଣେ 108 ଆମ୍ବୁଲାନ୍ସ କର୍ମଚାରୀ ଲାଞ୍ଚ ମାଗୁଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓ
ଭୋଗରାଇ ଅଞ୍ଚଳର ଜଣେ ରୋଗୀଙ୍କୁ ବାଲେଶ୍ଵର ମୁଖ୍ୟ ଚିକିତ୍ସାଳୟରୁ କଟକ ବଡ଼ ମେଡିକାଲକୁ ରେଫର କରାଯାଇଥିଲା । ରୋଗୀଙ୍କୁ କଟକ ନେଇ ଯିବାକୁ ଥିବା ଆମ୍ବୁଲାନ୍ସ କର୍ମଚାରୀ ରୋଗୀଙ୍କ ସମ୍ପର୍କୀୟଙ୍କୁ ଟଙ୍କା ନଦେଲେ ଯିବେନାହିଁ ବୋଲି କହିଥିବା ଅଭିଯୋଗ ହୋଇଛି ।