ବାଲେଶ୍ୱର: ମୁମ୍ବାଇରୁ ସଫଳତା ପୂର୍ବକ ଚୋରି କରି ଆଣିଥିଲେ । ହେଲେ ଚୋରା ଜିନିଷକୁ ଲୁଚାଇ ରଖିବାରେ ବିଫଳ ହୋଇଥିଲେ । ମୁମ୍ବାଇରୁ ଅଳଙ୍କାର ଚୋରାଇ ଆଣିଥିବା ଜଣେ ଯୁବକଙ୍କୁ ପୋଲିସ ଗିରଫ କରିଛି । ବାଲେଶ୍ୱର ଜିଲ୍ଲା ଖଇରା ଥାନା ଅଞ୍ଚଳରୁ ପୋଲିସ ଏହି ଯୁବକଙ୍କୁ ଗିରଫ କରିଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ୱର
ସୂଚନା ମୁତାବକ, ଖଇରା ଥାନା ଅନ୍ତର୍ଗତ ଗଣ୍ଡୁଆ ଗ୍ରାମର ଲକ୍ଷ୍ମଣ ମଲ୍ଲିକଙ୍କ ପୁଅ ମାନସ ମଲ୍ଲିକ ମୁମ୍ବାଇର ଦାଦର ଅଞ୍ଚଳରେ ରହୁଥିବା ନିଜ ଭାଇଙ୍କ ଘରେ କାମ କରୁଥିଲେ। ଧୀରେଧୀରେ ପରିବାର ଲୋକଙ୍କ ବିଶ୍ୱାସ ଜିତିବା ପରେ ମାନସ ଚତୁରତାର ସହ ସୁନା, ରୂପା ଗହଣା ଚୋରି କରି ଗାଁକୁ ଫେରି ଆସିଥିଲେ । ତେବେ ଚୋରା ଅଳଙ୍କାରର ଆନୁମାନିକ ଓଜନ 1କେଜି ବୋଲି କୁହାଯାଉଛି।