ବାଲିଆପାଳରୁ 6 ନାବାଳକ ଶ୍ରମିକ ଉଦ୍ଧାର

ବାଲେଶ୍ଵର ଶ୍ରମ ଅଫିସ ଏବଂ ଚାଇଲ୍ଡ ଲାଇନର ମିଳିତ ଚଢାଉ । ଚଢ଼ାଉରେ କାଳିପଦା ବଜାରରୁ ୨ଜଣ ଏବଂ ବାଲିଆପାଳ ବଜାରରୁ ୪ ଜଣ ନାବାଳକ ଶ୍ରମିକ ଉଦ୍ଧାର ।

ବାଲେଶ୍ଵର: ବାଲିଆପାଳରେ ବାଲେଶ୍ଵର ଲେବର ଅଫିସ ଏବଂ ଚାଇଲ୍ଡ ଲାଇନର ମିଳିତ ଆନୁକୁଲ୍ୟରେ ବିଭିନ୍ନ ହୋଟେଲ, ଗ୍ୟାରେଜ, ମାଛ ମାର୍କେଟ ଉପରେ ଅତର୍କିତ ଚଢ଼ାଉ କରାଯାଇଛି ।

ଚଢ଼ାଉରେ କାଳିପଦା ବଜାରରୁ ୨ଜଣ ଏବଂ ବାଲିଆପାଳ ବଜାରରୁ ୪ ଜଣ ନାବାଳକଙ୍କୁ ଉଦ୍ଧାର କରାଯାଇଛି । ଉଦ୍ଧାର କରିଯାଇଥିବା ପିଲାମାନଙ୍କୁ ଜିଲ୍ଲା ଶିଶୁ ମଙ୍ଗଳ ଅଧିକାରୀଙ୍କ ନିକଟକୁ ପଠାଯିବାର ବ୍ୟବସ୍ଥା ରହିଛି । ଉଭୟ ସଂସ୍ଥା ପକ୍ଷରୁ ୧୮ ବର୍ଷରୁ କମ ପିଲା ମାନଙ୍କୁ କୌଣସି କାମରେ ନ ଲଗାଇବାକୁ ଜନସାଧାରଣଙ୍କୁ ପରାମର୍ଶ ଦିଆଯାଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ