କେନାଲରେ ପଡି 4 ବର୍ଷର ଶିଶୁ ମୃତ

ପାଣିରେ ବୁଡ଼ିଗଲା 4 ବର୍ଷର ଶିଶୁ । ଖେଳୁଥବା ସମୟରେ କେନାଲରେ ପଡ଼ି ମୃତ୍ୟୁ ହୋଇଥିବା ସୂଚନା ମିଳିଛି ।

ବାଲେଶ୍ବର: ଖଇରା ବ୍ଲକ ବରଦା ପଞ୍ଚାୟତରେ ଅଭାବନୀୟ ଘଟଣା । ଖେଳୁଥିବା ସମୟରେ କେନାଲରେ ପଡ଼ି 4 ବର୍ଷ ଶିଶୁର ମୃତ୍ୟୁ ଘଟିଥିବା ଜଣାପଡ଼ିଛି।

ମିର୍ଜାପୁର ଗ୍ରାମର ଚନ୍ଦ୍ରମଣି ମୁର୍ମୁଙ୍କ ସ୍ତ୍ରୀ ବିଲରେ କାମ କରୁଥିବା ବେଳେ ହିଡରେ ତାଙ୍କର 4ବର୍ଷର ଶିଶୁପୁତ୍ରକୁ ବସାଇ ଦେଇଥିଲେ । ଶିଶୁଟି ଖେଳୁଥିବା ବେଳେ ପାଖରେ ଥିବା ଏକ କେନାଲରେ ପଡିଯାଇଥିଲା। ପିଲାଟିକୁ ଉଦ୍ଧାର କରି ପ୍ରଥମେ ଭଦ୍ରକ ମେଡିକାଲ ନିଆଯାଇଥିଲା। ସେଠାରେ ଡାକ୍ତର ପିଲାଟିକୁ ମୃତ ଘୋଷଣା କରିଛନ୍ତି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ

: