ବାଲେଶ୍ୱର: ପୁଲଓ୍ୱାମା ଶହୀଦଙ୍କୁ ଶ୍ରଦ୍ଧାଞ୍ଜଳୀ ଦେବାପାଇଁ ଆଜି ସର୍ବଭାରତୀୟ ବଣିକ ସଂଘ ଦେଇଛି ବନ୍ଦ ଡାକରା । ଏଥିରେ ବାଲେଶ୍ୱର ସମେତ ଜଳେଶ୍ୱର, ବସ୍ତା, ଭୋଗରାଇ, ବାଲିଆପାଳ, ଖଇରା, ସୋର ଆଦି ସ୍ଥାନରେ ସମସ୍ତ ବ୍ୟବସାୟିକ ପ୍ରତିଷ୍ଠାନ ପକ୍ଷରୁ ୧୨ ଘଣ୍ଟିଆ ବନ୍ଦ କରାଯାଇଛି।
ସକାଳ ୬ରୁ ସନ୍ଧ୍ୟା ୬ ପର୍ଯ୍ୟନ୍ତ ଦିଆଯାଇଥିବା ଡାକରାକୁ ସଫଳ କରିବା ପାଇଁ ପ୍ରତ୍ୟେକ ସ୍ଥାନରେ ରାଲି କରାଯାଉଛି । ଏହାସହ ଶହୀଦଙ୍କ ଉଦେଶ୍ୟରେ ଦେଶ ପାଇଁ ଏକ ହୋଇ କାମ କରିବାକୁ ଆହ୍ୱାନ ଦିଆଯାଇଛି। ପାକିସ୍ଥାନ କରିଥିବା ଏହି ଆତ୍ମଘାତୀ ଆକ୍ରମଣକୁ କଡ଼ା ନିନ୍ଦା କରାଯାଇଛି । ପ୍ରତି ଛକରେ ଶହୀଦଙ୍କ ପ୍ରତି ଶ୍ରଦ୍ଧାଞ୍ଜଳୀ ଅର୍ପଣ କରାଯାଉଛି।