ବାଲେଶ୍ଵର: ଆମ୍ବୁଲାନ୍ସ କର୍ମଚାରୀଙ୍କୁ ପ୍ରାଇଭେଟ ଆମ୍ବୁଲାନ୍ସ ଡ୍ରାଇଭର ମରଣାନ୍ତକ ଆକ୍ରମଣ । ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟରେ 108 ଆମ୍ବୁଲାନ୍ସ କର୍ମଚାରୀଙ୍କୁ ପ୍ରାଇଭେଟ ଆମ୍ବୁଲାନ୍ସ ଡ୍ରାଇଭର ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି ।
108 ଆମ୍ବୁଲାନ୍ସ କର୍ମଚାରୀଙ୍କୁ ଆକ୍ରମଣ ଅଭିଯୋଗ
ସୂଚନା ଅନୁସାରେ, ସନ୍ଧ୍ୟା ବେଳେ 108 ଆମ୍ବୁଲାନ୍ସ ରୋଗୀ ଆଣି ମେଡିକାଲର ମା ଓ ଶିଶୁ ବିଭାଗ ଆଗରେ ଛିଡା ହୋଇଥିଲା। ଏହି ସମୟରେ OD-୦୧E-୬୯୨୦ ନମ୍ବରର ଏକ ପ୍ରାଇଭେଟ ଆମ୍ବୁଲାନ୍ସର ଡ୍ରାଇଭର ହଠାତ ଆସି 108 ଆମ୍ବୁଲାନ୍ସ ଡ୍ରାଇଭର ଶଶିକାନ୍ତ ଦାସ ଓ କର୍ମଚାରୀଙ୍କୁ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହ ଏକ ତେଲେଙ୍ଗା କଟୁରୀରେ ଆକ୍ରମଣ କରିଥିଲେ। ଏହା ସହ 108 ଆମ୍ବୁଲାନ୍ସର କାଚ ଓ ଟାୟାର କାଟି ଦେଇଥିବା ଅଭିଯୋଗ ହୋଇଛି।