ବଲାଙ୍ଗୀର:ବାରମ୍ବାର ବିରୋଧ ସତ୍ତ୍ବେ ବି ସଇଁତଳା ବ୍ଲକରେ ଆରମ୍ଭ ହେଲା ସୋଲାର ପ୍ଲାଣ୍ଟ । ତୀବ୍ର ବିରୋଧ ପରେ ମଧ୍ୟ ଗୁରୁବାର ପୋଲିସ ଉପସ୍ଥିତି ଆରମ୍ଭ ହୋଇଛି ସୋଲାର ପ୍ଲାଣ୍ଟ କାମ । ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ ଡୁଙ୍ଗୁରିପାଲି ଓ ତେଣ୍ଡିପାଲି ଗ୍ରାମରେ ଏହି ପ୍ରସ୍ତାବିତ ସୋଲାର ପ୍ଲାଣ୍ଟ ଆରମ୍ଭ ହୋଇଥିବା ବେଳେ ଏହାକୁ ବିରୋଧ କରି ଧାରଣାରେ ବସିଛନ୍ତି ଏହି ଦୁଇ ଗ୍ରାମବାସୀ ।
ଡୁଙ୍ଗୁରିପାଲି ଓ ତେଣ୍ଡିପାଲି ଗ୍ରାମବାସୀ ଆରମ୍ଭରୁ ସୋଲାର ପ୍ଲାଣ୍ଟ ନିର୍ମାଣକୁ ବିରୋଧ କରୁଥିଲେ । ଏଠିକାର ଗୋଚର ଜମିକୁ ଚଞ୍ଚକତା କରି ଆଦିତ୍ୟ ବିର୍ଲା ଗ୍ରୁପ ଏଠାରେ ସୋଲାର ପ୍ଲାଣ୍ଟ ସ୍ଥାପନ କରିବାକୁ ଯାଉଥିବା ବେଳେ ଗୃହ ପାଳିତ ପଶୁଙ୍କ ଚରା ଭୂଇଁ ଚୋରି ହୋଇଥିବାର ଅଭିଯୋଗ ହୋଇଛି । ସେହିପରି ବିନା ଗ୍ରାମସଭା କିମ୍ବା ପଲ୍ଲୀ ସଭାରେ ପ୍ରଶାସନ ଜୋର ଜବରଦସ୍ତ ଏଠି କାମ କରୁଥିବାର ଲୋକେ ଅଭିଯୋଗ କରିଛନ୍ତି । ସେପଟେ ଗୁରୁବାର ଲୋକଙ୍କ ବିରୋଧ ସତ୍ତ୍ଵେ ପ୍ରଶାସନ ପୋଲିସର ସହାୟତାରେ କାମ ଆରମ୍ଭ କରିଛି । ଦୁଇଟି ଗ୍ରାମର ଲୋକେ ନିର୍ମାଣ ସ୍ଥଳରେ ଧାରଣା ଦେଇଛନ୍ତି ଏବଂ ଏହାକୁ ତୀବ୍ର ବିରୋଧ ଜାରି ରଖିଛନ୍ତି ।