ବଲାଙ୍ଗୀର: ଭିଜିଲାନ୍ସ ହାତରେ ଧରା ପଡିଲେ ବନ ବିଭାଗର ଲାଞ୍ଚୁଆ କିରାଣୀ । ଗଛ କଟା ଅନୁମତି ପାଇଁ 10 ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ କିରାଣୀଙ୍କୁ ଗିରଫ କରିଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ବଲାଙ୍ଗୀର ତିନି ଜଣ ଚାଷୀ ତାଙ୍କ ବିଲରେ ଥିବା ଏକ ଗଛ କାଟିବା ପାଇଁ ବନବିଭାଗ ବଲାଙ୍ଗୀରର ଅନୁମତି ଲୋଡିଥିଲେ । ତେବେ ଏହି ଅନୁମତି ଦେବା ପାଇଁ ବଲାଙ୍ଗୀର ଜିଲ୍ଲା ବନ ବିଭାଗର କନିଷ୍ଠ କିରାଣୀ କବିନ୍ଦ୍ର ଚନ୍ଦ୍ର ଭୋଇ ଚାଷୀଙ୍କଠୁ 15 ହଜାର ଲାଞ୍ଚ ମାଗିଥିଲେ । ଟଙ୍କା ଦେଲେ ଏହି ଅନୁମତି କରାଇଦେବେ ବୋଲି କହିବା ସହ ସମସ୍ତଙ୍କୁ ବିଭିନ୍ନ ବାହାନାରେ କିରାଣୀ ହଇରାଣ କରିଥିବା ଅଭିଯୋଗ କାରୀ ପୁରୁଷୋତ୍ତମ ବେହେରା କହିଛନ୍ତି ।