ବଲାଙ୍ଗୀର: ପଶ୍ଚିମ ଓଡ଼ିଶାର କୃଷିଭିତ୍ତିକ ଗଣପର୍ବ ନୂଆଁଖାଇ ବଲାଙ୍ଗୀରରେ ଅତି ଆନନ୍ଦ ଉଲ୍ଲାସରେ ପାଳିତ ହୋଇଛି। ତେବେ ଏହି ପର୍ବ କେବଳ ନୂଆ ଅନ୍ନ ଗ୍ରହଣ କରିବାରେ ସୀମିତ ନ ଥାଏ ବରଂ ଲୋକଙ୍କୁ ଏକତାର ସୂତ୍ରରେ ମଧ୍ୟ ବାନ୍ଧି ରଖିଥାଏ। ଏହିପରି ଏକ ଉଦାହରଣ ଦେଖିବାକୁ ମିଳିଛି ବଲଙ୍ଗୀର ଜିଲ୍ଲାର ବଲାଙ୍ଗୀର ବେଲପଡ଼ା ବ୍ଲକର ଜଳିଆ ଗ୍ରାମରେ । ଏଠାରେ ଗାଁର ସମସ୍ତ ଲୋକ ଏକତ୍ରିତ ହୋଇ ଏହାକୁ ଦୀର୍ଘ ବର୍ଷ ହେବ ପାଳନ କରି ଆସିବାର ନିଆରା ପରମ୍ପରା ରହିଛି ।
ବଲାଙ୍ଗୀରରେ ନିଆରା ନୂଆଖାଇ, ଏକତ୍ର ପାଳିଲେ ୫ ହଜାର ଗ୍ରାମବାସୀ
ଜଳିଆ ଗ୍ରାମରେ ବସବାସ କରୁଥିବା ୬ ଶହ ପରିବାର ପ୍ରାୟ ପାଞ୍ଚ ହଜାର ଲୋକ ଏକାଠି ଗୋଟିଏ ସ୍ଥାନରେ ଦୀର୍ଘ ବର୍ଷ ହେବ ନୂଆଁଖାଇ ପାଳନ କରି ଆସୁଛନ୍ତି । ଯାହା ତାଙ୍କର ରୀତିନୀତି ଓ ପରମ୍ପରା ବୋଲି ସେମାନେ କହିଥାନ୍ତି । ଯେଉଁଥିରେ ଛୋଟ ବଡ଼ ଧନୀ ଗରିବ ଜାତିଭେଦ ସବୁକୁ ଭୁଲି ଏମାନେ ଏଥର ମଧ୍ୟ ଏକାଠି ନୂଆ ଖାଇଛନ୍ତି ।