ସୁବର୍ଣ୍ଣପୁର: ମହାନଦୀ ସହ ଯୋଡି ହୋଇ ରହିଥିବା ମତ୍ସ୍ୟଜୀବୀଙ୍କ ଜୀବନ ଜୀବିକା ବର୍ତ୍ତମାନ ସଙ୍କଟରେ । କାରଣ ମହାନଦୀରେ ଅବାଧରେ ଚାଲିଛି ବେଆଇନ ବ୍ଲାଷ୍ଟିଂ । ଫଳରେ ଦିନକୁ ଦିନ ନଦୀରେ ମାଛଙ୍କର ବଂଶ ଲୋପ ପାଇବାରେ ବସିଛି । ମାଛ ବିକ୍ରି କରି ପରିବାର ପ୍ରତିପୋଷଣ କରୁଥିବା ମତ୍ସ୍ୟଜୀବୀ ବର୍ତ୍ତମାନ ଚିନ୍ତାରେ । କେମିତି ଚଳିବେ ମତ୍ସ୍ୟଜୀବୀ ତାକୁ ନେଇ ଉଠିଛି ପ୍ରଶ୍ନବାଚୀ ?
ଜିଲ୍ଲାରେ ପ୍ରାୟ ଶହେ କିଲୋମିଟର ବ୍ୟାପି ମହାନଦୀ ପ୍ରବାହିତ ହେଉଛି । ଆଉ ଏହି ମହାନଦୀ ପ୍ରାୟ 2 ଲକ୍ଷ ଲୋକ ଜୀବନ ଜୀବିକା ପାଲଟିଛି । କାରଣ ନଦୀରୁ କୁଇଣ୍ଟାଲ କୁଇଣ୍ଟାଲ ମାଛ ସଂଗ୍ରହ କରି ପରିବାର ପ୍ରତିପୋଷଣ କରୁଛନ୍ତି ମତ୍ସ୍ୟଜୀବୀ । ହେଲେ ଦିନକୁ ଦିନ ମତ୍ସଜୀବୀଙ୍କ ଜୀବନଜୀବିକା ପ୍ରଭାବିତ ହେବାରେ ଲାଗିଛି । ସତେ ଯେମିତି ସେମାନଙ୍କ ଉପରେ କାହାର ନଜର ଲାଗିଯାଇଛି । ଆଉ ଆଗ ଭଳି ନଦୀରୁ ମାଛ ମିଳୁନି, ଯାହାକୁ ନେଇ ଚିନ୍ତାରେ ସୁବର୍ଣ୍ଣପୁର ଜିଲ୍ଲାର ମତ୍ସ୍ୟଜୀବୀ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର