ବଲାଙ୍ଗୀର: ଅଜଣା ଗାଡ଼ି ଧକ୍କାରେ ଶିକ୍ଷକଙ୍କ ମୃତ୍ୟୁ । ବଲାଙ୍ଗୀରରେ ଆଜି (ସୋମବାର) ଏକ ଅଜଣା ଗାଡ଼ି ଧକ୍କାରେ ଜଣେ ଶିକ୍ଷକଙ୍କ ମୃତ୍ୟୁ ହୋଇଥିବାବେଳେ ଘଟଣାସ୍ଥଳରେ ଏହାକୁ ନେଇ ଉତ୍ତେଜନା ପ୍ରକାଶ ପାଇଛି। ଏନେଇ ପରିବାର ଲୋକେ ଓ ଗ୍ରାମାବାସୀ ଘଟଣା ସ୍ଥଳରେ ମୃତଦେହ ରଖି ବରଗଡ ବୋରିଗୁମ୍ମା 26 ନମ୍ବର ଜାତୀୟ ରାଜପଥ ଅବରୋଧ କରିବା ସହ କ୍ଷତିପୂରଣ ଦାବି କରିଛନ୍ତି ।
ଅଜଣା ଗାଡ଼ି ଧକ୍କାରେ ଶିକ୍ଷକଙ୍କ ମୃତ୍ୟୁ
ତେବେ ସୂଚନା ଅନୁସାରେ ସଇଁତଳା ଶିକ୍ଷକ ଲବ ବେହେରା ନିଜ ବାଇକ ଯୋଗେ ବେଲଗାଁ ପଟରୁ ସଇଁତଳା ଆସୁଥିବା ବେଳେ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଫେରାର ହୋଇ ଯାଇଥିଲା। ଫଳରେ ଘଟଣାସ୍ଥଳରେ ହିଁ ଶିକ୍ଷକ ଜଣକ ମୃତ୍ୟୁବରଣ କରିଥିଲେ।