ବଲାଙ୍ଗୀର: ଜିଲ୍ଲାରେ ଧୁମ୍ଧାମରେ ଶେଷ ହୋଇଛି ଶିବ ବିବାହ ଉତ୍ସବ । ଶନିବାର ଭୋର ସମୟରେ ଏହି ବିବାହ ସମ୍ପନ୍ନ ହୋଇଛି । ବିବାହ ଅବସରରେ ସମଗ୍ର ବଲାଙ୍ଗୀର ଆଲୋକ ସଜ୍ଜାରେ ଝଲସି ଉଠିଛି । ଏହା ସହ ସହରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ପରିବେଷିତ ହୋଇଛି । ଯୁଗଳମୂର୍ତ୍ତୀଙ୍କ ସହର ପରିଭ୍ରମଣ କରାଯିବା ସହ ଘରବାହୁଡା ଉତ୍ସବ ଅନୁଷ୍ଠିତ ହେବ ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ଶୁକ୍ରବାର ବିଳମ୍ବିତ ରାତିରେ ଦେବଦେବ ମହାଦେବଙ୍କ ବରଯାତ୍ରୀ ପଟୁଆର ବାହାରିଥିଲା । ବଲାଙ୍ଗୀରର ଏବିଏସଏସ ପଡା, ଗାନ୍ଧୀନଗର ପଡା ଓ ରୁଗୁଡିପଡାର ଦ୍ୱାରା କରାଯାଇଥିବା ମହାଦେବଙ୍କ ବରାନୁଗମନ ଉତ୍ସବକୁ ଅତି ଧୁମ୍ଧାମରେ କରାଯାଇଥିଲା । ବରଯାତ୍ରୀ ପଟୁଆରରେ ଶତାଧିକ ଲୋକ ସାମିଲ ହୋଇଥିବା ବେଳେ ଏହି ଅବସରରେ ହଜାର ହଜାର ଶ୍ରଦ୍ଧାଳୁ ଭଗବାନ ଶିବଙ୍କୁ ଦର୍ଶନ କରିଥିଲେ ।