ବଲାଙ୍ଗୀର: ଦିନକୁ ଦିନ ରାଜ୍ୟରେ କୋରୋନା ମାମଲା ବଢୁଥିବାରୁ ରାଜ୍ୟ ସରକାର 11ଟି ଜିଲ୍ଲାରେ ସପ୍ତାହର ଦୁଇ ଦିନ ଶନିବାର ଓ ରବିବାର ସଟଡାଉନ ଘୋଷଣା କରିଛନ୍ତି । ଯେଉଁଥିରେ ଆଜି (ଶନିବାର) ବଲାଙ୍ଗୀର ମଧ୍ୟ ସାମିଲ ରହିଛି । ଏଥିପାଇଁ ଆଜି ସକାଳୁ ଜିଲ୍ଲା ପ୍ରଶାସନ କଡାକଡି ଭାବରେ ଏହାକୁ ପାଳନ କରୁଛି । ଅନ୍ୟପଟେ ଲୋକେ ମଧ୍ୟ ଏହି ସଟଡାଉନକୁ ସମର୍ଥନ ଦେଇ ଘରୁ ବାହାରି ନାହାଁନ୍ତି ।
ସଟ ଡ଼ାଉନକୁ ବଲାଙ୍ଗୀରରେ ସାଧାରଣ ଲୋକଙ୍କ ସମର୍ଥନ ସେହିପରି ପୋଲିସ ପକ୍ଷରୁ ମଧ୍ୟ ସାରା ଜିଲ୍ଲାରେ ବ୍ୟାପକ ପୋଲିସ ମୁତୟନ କରାଯିବ ସହ ରାସ୍ତାରେ କଡାକଡି ଯାଞ୍ଚ କରାଯାଉଛି । ତେବେ ଜିଲ୍ଲାରେ ଅତ୍ୟାବଶ୍ୟକ ଦୋକାନକୁ ଛାଡି ବାକି ଅନ୍ୟସବୁ ବନ୍ଦ ରହିଛି । ସେପଟେ ବଲାଙ୍ଗୀରରେ କୋରୋନା ଶତକ ପାର ହୋଇଥିବା ବେଳେ ଏହି ସବୁ ନିୟମକୁ ମାନିଲେ ସଂକ୍ରମଣ ରୋକାଯାଇ ପାରିବ ବୋଲି ଏସପି କହିଛନ୍ତି । ଏହାସହ ଲୋକଙ୍କୁ ଏଥିରେ ସହଯୋଗ କରିବା ପାଇଁ ନିବେଦନ ମଧ୍ୟ କରିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
