ବଲାଙ୍ଗୀର: ବଲାଙ୍ଗୀରରେ ରବି ଋତୁ ଧାନ କିଣା ଚାଲିଥିବାବେଳେ ଧାନ କିଣାରେ ମିଲର ମାନଙ୍କର ମନମାନି ଓ ଧାନ କିଣାରେ ଅନିୟମିତତାର ଅଭିଯୋଗ ହେବା ପରେ ପ୍ରଶାସନ ପଦକ୍ଷେପ ନେବା ଆରମ୍ଭ କରିଛି । ଯେଉଁଥିରେ ବଲାଙ୍ଗୀର ତୁଷୁରାର ବିକାଶ ଧାନ ମିଲ ଉପରେ ପ୍ରଶାସନ ଏହି ଅଭିଯୋଗ ଆଧାରରେ ଚଢାଉ କରିଛି ।
ତେବେ ବଲାଙ୍ଗୀର ଜିଲ୍ଲାପାଳଙ୍କ ନିର୍ଦ୍ଦେଶରେ ବଲାଙ୍ଗୀର ଉପଜିଲ୍ଲାପାଳ, ବଲାଙ୍ଗୀର ଯୋଗାଣ ଅଧିକାରୀ ପ୍ରମୁଖ ଏହି ମିଲ ଉପରେ ଚଢାଉ କରିଛନ୍ତି ଏବଂ ମିଲ ଅଞ୍ଚଳରେ 144 ଧାରା ଲାଗୁ କରିବା ସହ ମୂଳରେ ମହଜୁଦ ଥିବା ଧାନର ଓଜନ କରୁଛନ୍ତି । ଧାନର ଓଜନ ସରିଲେ ପ୍ରକୃତ ତଥ୍ୟ ସାମନାକୁ ଆସିବାକୁ ଥିବା ବେଳେ ଏହାକୁ ନେଇ ପ୍ରଶାସନ ପକ୍ଷରୁ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
