ବଲାଙ୍ଗୀର: ଭୀମ ଭୋଇ ମେଡିକାଲ କଲେଜ ସ୍ଥାପିତ ହେବା ପରେ ଅନେକ ବିକାଶ କାମ ଆଗେଇଛି । କିନ୍ତୁ ଆଜି ପର୍ଯ୍ୟନ୍ତ ଏଠାକାର ଶବ ଗୃହର କୌଣସି ଉନ୍ନତି କରଣ ହୋଇପାରିନାହିଁ । ପରିସ୍ଥିତି ଏପରି ଅଛି ଯେ, ଏଠାକାର ସବୁ ମୃତଦେହ ରଖିବା ଫ୍ରିଜର ଖରାପ ହୋଇ ପଡିରହିଛି । ଫଳରେ ମୃତଦେହ ଏଠି ପଚିସଢି ଯାଉଥିବା ବେଳେ ଏହାକୁ ନେଇ ସାଧାରଣରେ ତୀବ୍ର ଅସନ୍ତୋଷ ଦେଖିବାକୁ ମିଲିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ବଲାଙ୍ଗୀର
ଏହିପରି ଗତ ରାତିରେ ଦୁର୍ଘଟଣାରେ ପ୍ରାଣ ହରାଇଥିବା ଜଣେ ଯୁବକର ମୃତଦେହ ରଖିବାକୁ ନେଇ ଏଠି ତୁମୁଳ କାଣ୍ଡ ଭିଆଇ ଥିଲେ ତାଙ୍କ ପରିଜନ ଓ ସାଧାରଣ ଲୋକ । ସୂଚନା ଅନୁସାରେ, ଗତ ସନ୍ଧ୍ୟାରେ ବଲାଙ୍ଗୀର ହାଥୀସାଲ ପଡାର ଯୁବକ ବୁଲୁ ବାଘଙ୍କ ଦୁର୍ଘଟଣା ହୋଇଥିଲା । ଯେଉଁଥିରେ ସେ ଗୁରୁତର ଥିବାବେଳେ ତାଙ୍କୁ ପ୍ରଥମେ ସୁବର୍ଣ୍ଣପୂର ଜିଲ୍ଲା ତରଭା ଡାକ୍ତରଖାନାରେ ଭର୍ତ୍ତି କରାଇବା ପରେ ଜିଲ୍ଲା ମେଡିକାଲ କଲେଜକୁ ସ୍ଥାନାନ୍ତରିତ କରାଯାଇଥିଲା ।