ବଲାଙ୍ଗୀର: ରାଜ୍ୟରେ ଖୁବ୍ ଜୋରସୋରରେ ଚାଲିଛି ଦ୍ବିତୀୟ ପର୍ଯ୍ୟାୟ ମତଦାନ । ବିଭିନ୍ନ ସ୍ଥାନରେ ଲୋକେ ପ୍ରଥମ ପର୍ଯ୍ୟାୟ ପରି ବେଶ୍ ଉତ୍ସାହର ସହ ମତଦାନ ପ୍ରକ୍ରିୟାରେ ଭାଗ ନେଇଛନ୍ତି । ହେଲେ ବଲାଙ୍ଗୀର ଲୋକସଭା ଅନ୍ତର୍ଗତ ଲୋଇସିଂହା ବିଧାନସଭାମଣ୍ଡଳୀର 4ଟି ଗାଁର ଲୋକେ ବର୍ଜନ କରିଛନ୍ତି ଭୋଟ । ଦୀର୍ଘ ଦିନ ଧରି ସରକାର ସେମାନଙ୍କ ଦାବି ପୂରଣ କରୁ ନଥିବାରୁ କ୍ଷୁବ୍ଧ ହୋଇ ଗ୍ରାମବାସୀ ଭୋଟ ବର୍ଜନ କରିଥିବା ଜଣାପଡିଛି ।
ସୂଚନା ଅନୁଯାୟୀ ଲୋଇସିଂହା ବିଧାନସଭାମଣ୍ଡଳୀର ବନ୍ଦପାଲି, ହଲଦିପଦର, ଭଇଁସାପାଲି ଓ ବବଜା ଗ୍ରାମର ଲୋକେ ଦାବି ପୂରଣ ନହେବାରୁ ଭୋଟ ବର୍ଜନ କରିଛନ୍ତି । ତେବେ ବନ୍ଦପାଲି ଓ ହଲଦିପଦର ଗାଁ ଲୋକଙ୍କ କହିବା ଅନୁଯାୟୀ ସେମାନଙ୍କ ଗାଁକୁ ଯିବା ପାଇଁ ଭଲ ରାସ୍ତାଟିଏ ନାହିଁ । ଏନେଇ ଦୀର୍ଘ ଦିନ ଧରି ଦାବି ହୋଇ ଆସୁଥିଲେ ମଧ୍ୟ ପ୍ରଶାସନ ଏଥିପ୍ରତି ଦୃଷ୍ଟି ହେଉନାହିଁ ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର