ବଲାଙ୍ଗୀର: ଜିଲ୍ଲାରେ ଜଣେ ବ୍ୟାଙ୍କ କର୍ମଚାରୀଙ୍କ ଉପରେ ଆକ୍ରମଣ ହୋଇଥିବା ଅଭିଯୋଗ ହୋଇଛି । ଦୁର୍ବୃତ୍ତମାନେ କର୍ମଚାରୀଙ୍କୁ ମାଡ଼ ମାରି ୩ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ପୋଲିସ ଅଭିଯୋଗକୁ ଆଧାର କରି ଅଧିକ ତଦନ୍ତ ଜାରି ରଖିଛି ।
ବ୍ୟାଙ୍କ କର୍ମଚାରୀଙ୍କ ଉପରେ ଆକ୍ରମଣ ଅଭିଯୋଗ, ଲୁଟି ନେଲେ ୩ ଲକ୍ଷ
ବଲାଙ୍ଗୀର ନାନ୍ଦୁପଲା ଗ୍ରାମର କିଓସ୍କ ବ୍ୟାଙ୍କ୍ ପରିଚାଳକ ଋଷି କୁମାର ବେହେରାଙ୍କ ଉପରେ ହୋଇଛି ଏହି ଆକ୍ରମଣ । ସେ ଆଜି(ସୋମବାର) ଖପ୍ରାଖୋଲ ବ୍ୟାଙ୍କରୁ ୩ ଲକ୍ଷ ଟଙ୍କା ଉଠାଇ ଘରକୁ ଫେରୁଥିବା ବେଳେ ହରିଶଙ୍କର ଛକଠାରେ ୪ ଜଣ ଯୁବକ ବାଇକରେ ଆସି ତାଙ୍କୁ ଅତର୍କିତ ଆକ୍ରମଣ କରିଥିଲେ ।