ବଲାଙ୍ଗୀର: ପେଟ ପାଟଣା ପାଇଁ ପୁଣି ଆରମ୍ଭ ହୋଇଛି ଦାଦନ ଶ୍ରମିକଙ୍କ ବାହାର ରାଜ୍ୟ ଗସ୍ତ । ଏମିତିରେ ସାମ୍ନାକୁ ଆସୁଛି ଦାଦନ ଦୁଃଖର ନୂଆ ନୂଆ ଲୋମହର୍ଷଣକାରୀ ଦୃଶ୍ୟ । ଆଉ ଏପରି ସ୍ଥିତିରେ ଜଣେ ଯୁବକ ଦାଦନ ଖଟିବାକୁ ଯାଇ ଦୁର୍ଘଟଣାରେ ନିଜ ହାତ ହରାଇଥିବା ଦେଖିବାକୁ ମିଳିଛି । ଆହତ ଶ୍ରମିକ ଜଣଙ୍କ ସ୍ଥାନୀୟ ଦେଓଗାଁ ବ୍ଲକ ଲଣ୍ଡା ପଥର ଗ୍ରାମର ପ୍ରମୋଦ ସେଠ୍ ବୋଲି ଜଣା ପଡିଛି । ସେ ପୂର୍ବରୁ ତାମିଲନାଡୁର ଏକ ସୂତା କଳରେ କାମ କରୁଥିଲେ ଏବଂ ଲକଡାଉନ ଯୋଗୁଁ ସେ ଘରକୁ ଫେରି ଆସିଥିଲେ।
ଦାଦନ ଖଟିବାକୁ ଯାଇ ହାତ ହାରିଲେ ଶ୍ରମିକ
ତେବେ ସେହି ସୂତା କଳର ମାଲିକ ପୁଣି ଏହି ଯୁବକ ଓ ଅନ୍ୟ କିଛି ଯୁବକଙ୍କୁ କାମ କରିବା ପାଇଁ ଏକ ବସ୍ ଯୋଗେ ତାମିଲନାଡୁ ନେଉଥିବା ବେଳେ ବିଜୟୱାଡାରେ ବସଟି ଏକ ଟ୍ରକକୁ ଧକ୍କା ଦେଇଥିଲେ । ଯେଉଁଥିରେ ଶ୍ରମିକ ପ୍ରମୋଦ ସେଠ୍ ଗୁରୁତର ହୋଇଥିବା ବେଳେ ତାଙ୍କ ବାମ ହାତ ଛିଣ୍ଡି ଯାଇଥିଲା । ତେବେ ମାଲିକ ତାଙ୍କ ଚିକିତ୍ସା କରାଇବା ପରିବର୍ତ୍ତେ ଏକ ଗାଡିରେ ବସାଇ ବଲାଙ୍ଗୀର ପଠାଇ ଦେଇଥିଲେ ।