ବଲାଙ୍ଗିର: ଜିଲ୍ଲାର ଚୁଡାପାଲି ଠାରେ ବିଦ୍ୟୁତ ତାର ଲାଗି ଜଣେ ଶ୍ରମିକର ମୃତ୍ୟୁ ଘଟିଛି । ମୃତ ଶ୍ରମିକ ହେଲେ ମୁକେଶ ପ୍ରଧାନ । ମୁକେଶଙ୍କର ମୃତ୍ୟୁରେ ପରିବାର ଓ ଗ୍ରାମବାସୀ ବିଦ୍ୟୁତ ବିଭାଗକୁ ଦାୟୀ କରି ଆନ୍ଦୋଳନକୁ ଓହ୍ଲାଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗିର
ସୂଚନାନୁସାରେ, ଚୁଡାପାଲି ଗାଁ ମଧ୍ୟରେ ଯାଇଥିବା ବିଦ୍ୟୁତ ତାର ରକ୍ଷଣା ବେକ୍ଷଣା ଅଭାବରୁ ଅତି ତଳକୁ ଝୁଲି ଯାଇଥିଲା । ଏହି ସମୟରେ ମୁକେଶ ପ୍ରଧାନ ଗୋଟିଏ ଟ୍ରାକ୍ଟରରେ କାମ କରୁଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ଯିବାରୁ ସେ ଗୁରୁତର ହୋଇଯାଇଥିଲେ । ଏହାପରେ ଗ୍ରାମବାସୀମାନେ ତାଙ୍କୁ ଉଦ୍ଧାର କରି ଚୁଡାପାଲି ଡାକ୍ତରଖାନାକୁ ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।