କେଷରିଆ ହିନ୍ଦୁ ବାହିନୀର ରାଜ୍ୟ ସଭାପତିଙ୍କୁ ମରଣାନ୍ତକ ଆକ୍ରମଣ

ବଲାଙ୍ଗୀର କେଷରିଆ ହିନ୍ଦୁ ବାହିନୀର ରାଜ୍ୟ ସଭାପତିଙ୍କୁ ମରଣାନ୍ତକ ଆକ୍ରମଣ ଅଭିଯୋଗ। ଥାନାରେ ମାମଲା। ଅଧିକ ପଢନ୍ତୁ...

ବଲାଙ୍ଗୀର: ବଲାଙ୍ଗୀରରେ କେଷରିଆ ହିନ୍ଦୁ ବାହିନୀର ରାଜ୍ୟ ସଭାପତିଙ୍କୁ ମରଣାନ୍ତକ ଆକ୍ରମଣ ହୋଇଥିବାର ଅଭିଯୋଗ ହୋଇଛି । ଅଭିଯୋଗ ଅନୁସାରେ ବଲାଙ୍ଗୀର ମୁରିବାହାଲ ଥାନା ଅନ୍ତର୍ଗତ ଯମୁନା ପାଲି ଗ୍ରାମ ଠାରେ ବେଆଇନ ଗୋରୁ ଚାଲାଣ ହେଉଥିବାର କେଷାରିଆ ହିନ୍ଦୁ ବାହିନୀର ସଦସ୍ୟ ଖବର ପାଇ ଘଟଣା ସ୍ଥଳରେ ପହଞ୍ଚିଥିଲେ । ତେବେ ସେଠାରେ ବେଆଇନ ଗୋରୁ ଚାଲାଣ ରୋକିବାରୁ ଦୁର୍ବୃତ୍ତ ମାନେ ଅତର୍କିତ ଭାବରେ କେଷାରିଆ ହିନ୍ଦୁ ବାହିନୀର ସଦସ୍ୟଙ୍କୁ ଆକ୍ରମଣ କରିଥିଲେ।

ଯେଉଁଥିରେ କେସରିଆ ହିନ୍ଦୁ ବାହିନୀର ରାଜ୍ୟ ସଭାପତି ସନ୍ତୋଷ ଭୋଳ ଓ ଅନ୍ୟ ଚାରି ଜଣ କର୍ମକର୍ତ୍ତା ଏଥିରେ ଆହତ ହୋଇଥିଲେ। ତେବେ ଏହାକୁ ନେଇ କେଶରିଆ ହିନ୍ଦୁ ବାହିନୀ ପକ୍ଷରୁ ମୁରିବାହାଲ ଥାନାରେ ଲିଖିତ ଅଭିଯୋଗ ହୋଇଛି। ସେପଟେ ଅଭିଯୋଗ ପରେ ପୋଲିସ କୌଣସି ପଦକ୍ଷେପ ନ ନେବାରୁ ଏମାନେ ବଲାଙ୍ଗୀର ଏସ୍ପିଙ୍କୁ ସାକ୍ଷାତ କରିଛନ୍ତି । ଏବଂ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ