ଫସଲ ବୀମା କରିବାକୁ ଯାଇ ଚାଷୀ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର

ସଇଁତଳା ବ୍ଲକ୍ ବେଲଗାଁ ପୋଲିସ ଫାଣ୍ଡି ଅନତର୍ଗତ ନୂଆପଡାର ଚାଷୀ ଲେମ୍ବୁ ସାହୁ ଗତକାଲି ଫସଲ ବୀମା କରିବାକୁ ସଇଁତଳା ପାଇଁ ବାହାରି ଆଉ ଘରକୁ ଫେରି ନଥିଲେ।

ବଲାଙ୍ଗିର: ଜଣେ ଚାଷୀ ଫସଲ ବୀମା କରିବାକୁ ଯାଇ ନିଖୋଜ ହୋଇଥିବା ବେଳେ ତାଙ୍କ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି।

ସୂଚନା ଅନୁସାରେ ସଇଁତଳା ବ୍ଲକ୍ ବେଲଗାଁ ପୋଲିସ ଫାଣ୍ଡି ଅନତର୍ଗତ ନୂଆପଡାର ଚାଷୀ ଲେମ୍ବୁ ସାହୁ ଗତକାଲି ଫସଲ ବୀମା କରିବାକୁ ସଇଁତଳା ପାଇଁ ବାହାରି ଆଉ ଘରକୁ ଫେରି ନଥିଲେ। ତେବେ ଆଜି ଘୂନ୍ ସର୍ ଗ୍ରାମ କଲେଜ୍ ନିକଟରେ ରକ୍ତ ଭିଜା ତାଙ୍କ ଚପଳ ଓ ମୋଟର ସାଇକଲ ଲୋକେ ଦେଖିଥିଲେ। ଯାହା ପରେ ପୋଲିସକୁ ଖବର ଦେଇଥିଲେ ଏବଂ ସଇଁତଳା ପୋଲିସ ଘଟଣା ସ୍ଥଳରେ ଯାଇ ସନ୍ଧାନି କୁକୁର ସାହାଯ୍ୟରେ ତଦନ୍ତ ଆରମ୍ଭ କରିଥିବା ବେଳେ ରାତି ସୁଦ୍ଧା ପୋଲିସକୁ ସଫଳତା ମିଳିନାହିଁ। ସେପଟେ ସନ୍ଦେହ ସ୍ପଦ୍ ଅବସ୍ଥାରେ ଗାଡ଼ି ମିଳିବାକୁ ନେଇ ସାଧାରଣରେ ଏହାକୁ ହତ୍ୟା ବୋଲି କୁହାଯାଉଛି।

ବଲାଙ୍ଗିରରୁ ଏସକେ ମହମ୍ମଦ ୱାହୀଦ୍, ଇଟିଭି ଭାରତ ‌