ବଲାଙ୍ଗୀର: ଗର୍ଭବତୀ ମହିଳାଙ୍କୁ ହତ୍ୟା ଅଭିଯୋଗ। ଜଣେ ସାତ ମାସର ଗର୍ଭବତୀ ମହିଳାଙ୍କୁ ପିଠା ଖୁଆଇବା ପର୍ବରେ ଆସିଥିବାବେଳେ ଝିଅର ମୃତଦେହ ଦେଖିବାକୁ ପାଇଥିଲେ ପରିବାର ଲୋକେ। ବଲାଙ୍ଗୀର ଜିଲ୍ଲା ସଦର ଥାନା ଅନ୍ତର୍ଗତ ତଲିଉଡାର ଗ୍ରାମରେ ଏଭଳି ଘଟଣା ଦେଖିବାକୁ ମିଳିଛି।
ପିଠା ଖୁଆଇବାକୁ ଆସିଥିଲେ ପରିବାର, ଦେଖିଲେ ଗର୍ଭବତୀ ଝିଅର ମୃତଦେହ
ଅଭିଯୋଗ ଅନୁସାରେ ପଟଣାଗଡ଼ ବ୍ଲକ ବନକା ବିହାର ଗ୍ରାମର ଝିଅ ପୁଷ୍ପାଞ୍ଜଳୀ ପ୍ରଧାନଙ୍କ ତଳି ଉଡ଼ାର ଗ୍ରାମର ବିପିନ ପ୍ରଧାନଙ୍କ ସହ ପ୍ରେମ ବିବାହ ହୋଇଥିଲା। ବିବାହକୁ ବର୍ଷେ ବିତିଥିବା ବେଳେ ପୁଅ ଘର ଲୋକେ ବାରମ୍ବାର ଯୌତୁକ ଦାବି କରି ଆସୁଥିଲେ। ଯେଉଁଥିରେ ଝିଅ ଘର ଲୋକେ ଦୁଇ ଥର ଦୁଇଟି ବାଇକ ଓ ଏକ ଲକ୍ଷ ଟଙ୍କା ଦେଇଥିଲେ। ପୁଷ୍ପାଞ୍ଜଳୀ ସାତ ମାସର ଗର୍ଭବତୀ ଥିବା ବେଳେ ଆଜି ତାଙ୍କ ଘରଲୋକେ ପିଠା ଖୁଆଇବା ପ୍ରଥା ପାଇଁ ଡାକିବାକୁ ଆସିଥିଲେ। ହେଲେ ଶାଶୁଘରେ ଝିଅର ମୃତଦେହ ଦେଖିବାକୁ ପାଇଥିଲେ।