ବଲାଙ୍ଗୀର: ଜିଲ୍ଲାର ପାଟଣାଗଡ଼ ଲରମ୍ଭା ଅଞ୍ଚଳରେ ହାତୀ ଆତଙ୍କ । ଏଠାରେ ୨ ଟିକିଆ ହାତୀପଲ ରାତି ପାହିଲେ ଗାଁ ସବୁକୁ ପଶି ବ୍ୟାପକ ଧନ ସମ୍ପତ୍ତି ନଷ୍ଟ କରୁଛନ୍ତି । ଯାହାକୁ ନେଇ ଆଖପାଖ ଅଞ୍ଚଳର ଲୋକ ଭୟଭୀତ ଥିବା ବେଳେ ବନ ବିଭାଗ ହାତୀଙ୍କ ଉପରେ ନଜର ରଖିବା ସହ ସେମାନଙ୍କୁ ଅନ୍ୟତ୍ର ଘଉଡାଇବା ପାଇଁ ଚେଷ୍ଟା ଜାରି ରଖିଥିବା ଜଣାପଡ଼ିଛି ।
ପାଟଣାଗଡ଼ରେ ହାତୀ ଆତଙ୍କ, ବ୍ୟାପକ ଧନସମ୍ପତ୍ତି ନଷ୍ଟ
ଜିଲ୍ଲାର ଲରମ୍ଭା ରେଞ୍ଜ ଅନ୍ତର୍ଗତ ବିଭିନ୍ନ ଗ୍ରାମରେ ଏହି ହାତୀ ଉପଦ୍ରବ ଦେଖିବାକୁ ମିଳିଛି। ଗତ ୨ ଦିନ ଧରି ଲରମ୍ଭା ଖୁରସେଲ ଓ ଇନପୁର ଗାଁରେ ଏକ ୨ ଟିକିଆ ହାତୀ ଆସି ଇନପୁର ଗାଁର ଫଗୁନ ବନଗୁଲା ଘରକୁ ଭାଙ୍ଗିଥିଲେ । ଏହାପରେ ଘରକୁ ପଶି ଚାଉଳ ଖାଇବା ସହ ଘରର ଆସବାବପତ୍ର ନଷ୍ଟ କରିଛନ୍ତି । ସେହିପରି ଲରମ୍ଭା ଗାଁର ଡୁଡୁକା ପଡ଼ାରେ ଥିବା ଲଷ୍ମୀ ବରିହା ଓଦସରଥ ବରୀହଙ୍କ ୨ଟି ଘର ଭାଙ୍ଗିବା ସହ ଘରର ଜିନିଷପତ୍ର ନଷ୍ଟ କରି ଘରେ ଥିବା ସମସ୍ତ ଚାଉଳ ନଷ୍ଟ କରିଛନ୍ତି ହାତୀପଲ ।