ବଲାଙ୍ଗୀର: ବିଦ୍ୟୁତ ନଥିବା ନେଇ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ମହିଳା। ଲୋ ଭୋଲ୍ଟେଜ ଓ ଅଘୋଷିତ ବିଦ୍ୟୁତ କାଟର ସମ୍ମୁଖୀନ ହୋଉଛନ୍ତି ବଲାଙ୍ଗୀରର ତାଳପଲିପଡା 4 ନମ୍ବର ୱାର୍ଡ ଅନ୍ତର୍ଗତ ଖଇରପଡାରେ ରହୁଥିବା 15ରୁ ଅଧିକ ପରିବାର। ଏହି ଅଞ୍ଚଳର ମହିଳା ଶୁକ୍ରବାର ଏନେଇ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଛନ୍ତି ।
ଖବରମୁତାବକ, ବଲାଙ୍ଗୀରର ତାଳପଲି ପଡା 4 ନମ୍ବର ୱାର୍ଡ ଅନ୍ତର୍ଗତ ଖଇରପଡାରେ ଗତବର୍ଷ ବିଦ୍ୟୁତ ଟ୍ରାନ୍ସଫର୍ମର ପୋଡି ଯାଇଛି । ଯାହାଫଳରେ ବିଦ୍ୟୁତ ବିଭାଗ ପାଖ ଏକ ଟ୍ରାନ୍ସଫର୍ମରରୁ ସେହି ଅଞ୍ଚଳକୁ ବିଦ୍ୟୁତ ଯୋଗାଇ ଦେଇଥିବା ବେଳେ ତାହା ବାରମ୍ବାର ବିଭିନ୍ନ କାରଣରୁ ଅଚଳ ହୋଇପଡୁଛି । ଫଳରେ ସେଠାକାର ବାସିନ୍ଦା ଲୋ ଭୋଲ୍ଟେଜ ଓ ଅଘୋଷିତ ବିଦ୍ୟୁତ କାଟର ସମ୍ମୁଖୀନ ହେଉଛନ୍ତି । ତେବେ ଏହାକୁ ନେଇ ସେମାନେ ବାରମ୍ବାର ବିଦ୍ୟୁତ ବିଭାଗର ଦୃଷ୍ଟି ଆକର୍ଷଣ କରିବା ସତ୍ତ୍ବେ ଏଯାଏଁ କୌଣସି ପଦକ୍ଷେପ ନିଆଯାଇ ନଥିବା କହିଛନ୍ତି ସ୍ଥାନୀୟ ବାସିନ୍ଦା ।
ଭିଡିଓ ସୌଜନ୍ଯ: ସମ୍ବାଦଦାତା, ବଲାଙ୍ଗୀର