ରାସ୍ତା କଡରୁ ମୃତଦେହ ଉଦ୍ଧାର, ହତ୍ୟା ଅଭିଯୋଗ

ବଲାଙ୍ଗୀର ଜିଲ୍ଲା ଟିଟିଲାଗଡ ଥାନା ଅନ୍ତର୍ଗତ ବାଗଡେର ଗାଁ ରାସ୍ତା କଡରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ଘଣ୍ଟବାହାଲି ଗାଁର ରାଜେନ୍ଦ୍ର ଛତର ବୋଲି ଜଣାପଡିଛି ।

ବଲାଙ୍ଗୀର: ରାସ୍ତା କଡରୁ ଯୁବକଙ୍କ ମୃତଦେହ ଉଦ୍ଧାର । ଟିଟିଲାଗଡ ଥାନା ଅଧିନସ୍ଥ ବାଗଡେର ଗାଁ ରାସ୍ତାରୁ ମୃତଦେହ ଉଦ୍ଧାର ହୋଇଛି । ମୃତକ ହେଲେ ଘଣ୍ଟାବାହାଲି ଗାଁର ରାଜେନ୍ଦ୍ର ଛତର । ଖବର ପାଇ ଘଟଣାସ୍ଥଳରେ ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି ।

ତେବେ ବୁଧବାର ବାଇକ ଯୋଗେ ଘରୁ ବାହାରିଥିଲେ ରାଜେନ୍ଦ୍ର । ହେଲେ ଘରକୁ ଫେରି ନଥିଲେ । ଆଜି କିନ୍ତୁ ତାଙ୍କ ମୃତଦେହ ରାସ୍ତାକଡରେ ପଡିଥିବା ଦେଖିବାକୁ ମିଳିଥିଲା । ଅନ୍ୟପଟେ ତାଙ୍କ ମୃତ୍ୟୁର କାରଣ ଜଣାପଡି ନଥିବାବେଳେ ଏପଟେ ହତ୍ୟା ଅଭିଯୋଗ କରିଛନ୍ତି ପରିବାର ଲୋକେ ।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ