ବଲାଙ୍ଗୀର: ବଲାଙ୍ଗୀରର ଜଣେ ବିଏସଏଫ୍ ଯବାନ ଆସାମ ଗୌହାଟୀରେ ଏକ ସଡ଼କ ଦୁର୍ଘଟଣାରେ ଶହୀଦ ହୋଇଛନ୍ତି। ସଇଁତଳା ବ୍ଲକ କରମ ତୁଳା ପଞ୍ଚାୟତର ଗୁରମୁନି ଗାଁର ଥବିର ବୁଡ଼େକ୍ ଗତ 2010ରୁ ବିଏସଏଫରେ ଯବାନ ଭାବରେ କାର୍ଯ୍ୟରତ ଥିଲେ।
ଦୁର୍ଘଟଣାରେ ବଲାଙ୍ଗୀର ମାଟିର ବିଏସଏଫ ଯବାନ ଶହୀଦ
ଥବିର ଉଚ୍ଚ ଅଧିକାରୀଙ୍କ ସହ ଜରୁରୀ କାମରେ ଆସାମ ଗୌହାଟୀର କୌଣସି ସ୍ଥାନକୁ ଯାଇ ଫେରୁଥିବା ବେଳେ ତାଙ୍କ ଗାଡ଼ି ଭାରସାମ୍ୟ ହରାଇ ଏକ ନଦୀରେ ପଡ଼ିଯାଇ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ଘଟଣା ସ୍ଥଳରେ ଯବାନ ଥବିରଙ୍କ ଦେହାନ୍ତ ହୋଇଯାଇଛି।