ବଲାଙ୍ଗୀର :ଆଗକୁ ଆସୁଛି ତ୍ରିସ୍ତରୀୟ ପଞ୍ଚାୟତ ନିର୍ବାଚନ । ଏନେଇ ଏବେ ଗାଁ ମୁହାଁ ହେଉଛନ୍ତି ନେତା । ନିଜ ଦଳର ଏଜେଣ୍ଡା ନେଇ ଗାଁ ଗାଁ ବୁଲି ଭୋଟ ପ୍ରଚାର କରୁଛନ୍ତି ।
Panchayat Poll : ପଶ୍ଚିମ ଓଡିଶାରେ ବିଜେପିର ପ୍ରଚାର ଜୋରଦାର
ବଲାଙ୍ଗୀରରେ ବିଜେପିର ତୁଙ୍ଗନେତାମାନେ ପ୍ରଚାର ମଇଦାନକୁ ଓହ୍ଲାଇଛନ୍ତି। ବିଜେପିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହ ଦେଓ ଓ ଲୋଇସିଂହା ବିଧାୟକ ମୁକେଶ ମହାଲିଙ୍ଗ ମଧ୍ୟ ଏବେ ଗାଁ ଗାଁ ଯାଇ ପ୍ରଚାର ଆରମ୍ଭ କରିଛନ୍ତି।
ତେବେ ପ୍ରଧାନମନ୍ତ୍ରୀଙ୍କ ସବକା ସାଥ ସବକା ବିକାଶର ମନ୍ତ୍ରକୁ ଗୁରୁତ୍ଵ ଦେଇ ପ୍ରଚାର କରୁଛନ୍ତି ବିଜେପି ନେତା । ସେହିପରି ପଲ୍ଲୀକୁ ଦିଲ୍ଲୀ ସହିତ ଯୋଡିଲେ ପ୍ରକୃତରେ ଗାଁର ବିକାଶ ସମ୍ଭବ ବୋଲି ଏମାନେ କହିଛନ୍ତି। ସମାନ ଭାବରେ ଗାଁ ଗୁଡିକର ସବୁ ସମସ୍ୟା ପ୍ରତି ଏମାନେ ଆଗକୁ ଧ୍ୟାନ ଦେବେ ।
ସମସ୍ତଙ୍କ ସର୍ବାଙ୍ଗୀନ ବିକାଶ ହେବ। ଯାହା ଦ୍ୱାରା ମୋଦିଙ୍କ ସ୍ଵପ୍ନର ଭାରତ ସମ୍ଭବ ହେବ । ତେବେ ବଲାଙ୍ଗୀରରେ ଏଥର ବିଜୟୀ ସମ୍ଭାବନା ଥିବା ଓ ଲୋକସେବାରେ ଆଗରେ ଥିବା ପ୍ରାର୍ଥୀଙ୍କୁ ଟିକଟ ଦିଆଯାଇଛି।