ବଲାଙ୍ଗୀର: ଜିଲ୍ଲାରେ ସ୍ୱଳ୍ପ ବୃଷ୍ଟି ପାତ ଯୋଗୁଁ ମରୁଡି ପରିସ୍ଥିତି ଦେଖାଦେଇଛି । ଏଭଳି ସ୍ଥିତିରେ ରାଜ୍ୟ ବିଜେପିର ଏକ ସ୍ବତନ୍ତ୍ର ଟିମ୍ ବଲାଙ୍ଗୀର ଗସ୍ତରେ ଆସି ମରୁଡି ସ୍ଥିତି ଅନୁଧ୍ୟାନ କରିଛନ୍ତି । ଯେଉଁଥିରେ ଏହି ଦଳ ବଲାଙ୍ଗୀର ଭଦ୍ରାପାଲି, ଝାଙ୍କର ପାଲି, ଉଳବା, ରାମଚନ୍ଦ୍ରପୁର, ତିକ୍ରାପଦା, ମୁରିବାହାଲ, ବଙ୍ଗୋମୁଣ୍ଡା, ସିନ୍ଧେକେଲା ଓ ଖୋଲାନ ଗାଁ ବୁଲି ମରୁଡି ସ୍ଥିତି ଅନୁଧ୍ୟାନ କରିବା ସହ ଚାଷୀଙ୍କ ସହ ଆଲୋଚନା କରିଥିଲେ ।
ବଲାଙ୍ଗୀରରେ ମରୁଡି ସ୍ଥିତି ସମୀକ୍ଷା କଲା ବିଜେପି
ପୂର୍ବତନ ମନ୍ତ୍ରୀ ମନମୋହନ ସାମଲଙ୍କ ନେତୃତ୍ୱରେ ଏହି ଦଳ ବଲାଙ୍ଗୀର ଗସ୍ତ କରିଥିଲେ । ଯେଉଁଥିରେ ବଲାଙ୍ଗୀର ସାଂସଦ ସଂଗୀତା ସିଂହଦେଓ, ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓ, ରାଜ୍ୟ ବିଜେପି ପ୍ରବକ୍ତା ବିରଞ୍ଚି ତ୍ରିପାଠୀ, ରାମ ରଞ୍ଜନ ବଳିଆର ସିଂହଙ୍କ ସହ ସ୍ଥାନୀୟ ନେତାମାନେ ସାମିଲ ହୋଇଥିଲେ ।