ବଲାଙ୍ଗୀର: ରାଜ୍ୟରେ ଚାଲିଲା ନବୀନ ଯାଦୁ । ବଲାଙ୍ଗୀର ଜିଲ୍ଲାର ଲୋକସଭା ମଣ୍ଡଳୀ ଅର୍ନ୍ତଗତ ଟିଟିଲାଗଡ ବିଧାନସଭା ଆସନରେ ବିଜେଡି ପ୍ରାର୍ଥିନୀ ଟୁକୁନି ସାହୁ ବାଜିମାତ କରିଛନ୍ତି । ଟୁକୁନିଙ୍କୁ ଟିଟିଲାଗଡ଼ବାସୀ ଦ୍ୱିତୀୟ ଥର ପାଇଁ ବିଧାୟିକା ଭାବରେ ନିର୍ବାଚିତ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ତେବେ ଏଥର ତାଙ୍କ ନିକଟ ପ୍ରତିଦ୍ୱନ୍ଦ୍ବୀ କଂଗ୍ରେସର ସୁରେନ୍ଦ୍ର ସିଂହ ଭୋଇଙ୍କ ସହିତ କଡା ଟକ୍କର ହୋଇଥିବା ବେଳେ ଟୁକୁନି ତାଙ୍କୁ ୨୦ହଜାର ଭୋଟରେ ହରାଇଛନ୍ତି । ସେ ବିଜୟୀ ହେବା ପରେ ସାଧାରଣ ଜନତାଙ୍କୁ କୃତଜ୍ଞତା ଜଣାଇବା ସହ ବାକି ଥିବା ସବୁ ପ୍ରକାରର ବିକାଶମୂଳକ କାମକୁ ତ୍ୱରାନ୍ୱିତ କରିବେ ବୋଲି କହିଛନ୍ତି ।