ବଲାଙ୍ଗୀର: ଆସନ୍ତାକାଲି ଦ୍ବିତୀୟ ପର୍ଯ୍ୟାୟରେ ଜିଲ୍ଲାରେ ହେବ ଭୋଟ ଗ୍ରହଣ । ତେବେ ଏଥିପାଇଁ ଜିଲ୍ଲା ପ୍ରଶାସନ ସବୁ ପ୍ରସ୍ତୁତି ଶେଷ କରିଛି । ବଲାଙ୍ଗୀର ଜିଲ୍ଲାରେ ପାଞ୍ଚଟି ବିଧାନସଭା ମଣ୍ଡଳୀ ଓ ବଲାଙ୍ଗୀର ଲୋକସଭା ଆସନ ପାଇଁ ଆସନ୍ତାକାଲି ଭୋଟ ଗ୍ରହଣ ହେବ । ତେବେ ଏଥିପାଇଁ ମୋଟ ୧ ହଜାର ୫୪୭ଟି ବୁଥରେ ଭୋଟ ଗ୍ରହଣ ହେବ ।
ଭିଡିଓ ସୌଜନ୍ୟ- ସମ୍ବାଦଦାତା, ବଲାଙ୍ଗୀର
ମୋଟ ୯ ହଜାର ୨୮୬ ଜଣ ପୋଲିଂ କର୍ମଚାରୀ ନିଯୁକ୍ତ ହେବେ । ସେହିପରି ଏଠାରେ ୧୫ଟି ଆଦର୍ଶ ଭୋଟ କେନ୍ଦ୍ର ସହ ମହିଳାଙ୍କ ପାଇଁ ପାଞ୍ଚଟି ପିଙ୍କ୍ ଭୋଟ କେନ୍ଦ୍ର ମଧ୍ୟ କରାଯାଇଛି । ତେବେ ପାଟଣାଗଡ ଓ କଣ୍ଟାବାଞ୍ଜି ମାଓପ୍ରବଣ ଅଞ୍ଚଳ ହୋଇଥିବାରୁ ସେଠାରେ ସକାଳ 7ଟାରୁ ସନ୍ଧ୍ୟା 4ଟା ପର୍ଯ୍ୟନ୍ତ ଭୋଟ ଗ୍ରହଣ ହେବ।