ବଲାଙ୍ଗୀର: ଜିଲ୍ଲାରେ ବେଆଇନ ଭାବେ ରାଜ୍ୟ ବାହରକୁ ଚାଲାଣ ହେଉଥିବା 48ଜଣ ଦାଦନ ଶ୍ରମିକଙ୍କୁ ପୋଲିସ ଉଦ୍ଧାର କରିଛି । ତେବେ ସେମାନେ ହାଇଦ୍ରାବାଦର ଏକ ଇଟାଭାଟିକୁ କାମ ପାଇଁ ଯାଉଥିବା ବେଳେ ପୋଲିସ ଚଢାଉ କରି ଉଦ୍ଧାର କରିଥିବା ଜଣାପଡିଛି ।
ବେଆଇନ ଚାଲାଣ ହେଉଥବା 48 ଦାଦନ ଶ୍ରମିକ ଉଦ୍ଧାର
ମିଳିଥିବା ସୂଚନା ଅନୁସାରେ ଉଦ୍ଧାର ଦାଦନ ଶ୍ରମିକମାନେ ସର୍ଦ୍ଦାର ଠାରୁ ମୁଣ୍ଡ ପିଛା 35ରୁ 40 ହଜାର ଟଙ୍କା ନେଇ ଅଟୋ ଓ ପିକଅପ୍ ଗାଡିରେ ରେଳ ଷ୍ଟେସନକୁ ଯାଉଥିଲେ । ତେବେ ପୋଲିସ ଏ ସଂପର୍କରେ ଖବର ପାଇ ସେମାନେ ଷ୍ଟେସନକୁ ଯାଉଥିବା ସମୟରେ ଚଢାଉ କରି ଉଦ୍ଧାର କରିଥିଲା । ଦାଦନ ଶ୍ରମିକମାନଙ୍କ ପାଖରେ କୌଣସି କାଗଜପତ୍ର ନଥିବା ବେଳେ ଏମାନେ ହାଇଦ୍ରାବାଦର ଏକ ଇଟା ଭାଟିକୁ ଯିବାକୁ ଥିବା ପୋଲିସ ଜାଣିବାକୁ ପାଇଥିଲା। ତେବେ ପୋଲିସର ଚଢାଉ ବେଳେ ଦାଦନ ସର୍ଦ୍ଦାର ଫେରାର ହୋଇଯାଇଥିଲା ।