ବଲାଙ୍ଗୀର: ଜିଲ୍ଲା ପୋଲିସକୁ ମିଳିଛି ବଡ଼ ସଫଳତା । ହରିୟାଣା ରାଜ୍ୟରେ ୩ ATM ଲୁଟେରାଙ୍କୁ ଗିରଫ କରିଛି ବଲାଙ୍ଗୀର ପୋଲିସ । ଗିରଫ ପରେ ତାଙ୍କ ନିକଟରୁ ବହୁ ମୋବାଇଲ୍, ଏଟିଏମ୍ କାର୍ଡ ଓ ନଗଦ ଟଙ୍କା ସହ ଏଟିଏମ୍ କଲୋନିଂ ମେସିନ ମଧ୍ୟ ଜବତ ହୋଇଛି । ଏହି ୩ ଅଭିଯୁକ୍ତଙ୍କୁ ପୋଲିସ ଆଜି(ମଙ୍ଗଳବାର) କୋର୍ଟ ଚାଲାଣ କରିଛି ।
ଓଡ଼ିଶାରେ ହରିୟାଣା ATM ଲୁଟେରାଙ୍କ ଉତ୍ପାତ, ଗିରଫ କଲା ବଲାଙ୍ଗୀର ପୋଲିସ
ସହର ମଧ୍ୟରେ ଲୋକମାନେ ଏଟିଏମରୁ ଟଙ୍କା କାଢିବା ସମୟରେ ତାଙ୍କଠାରୁ ଲୁଟ କରୁଥିବା ଏହି ୩ ଲୁଟେରାଙ୍କୁ ଧରିବାରେ ସଫଳ ହୋଇଛି ପୋଲିସ । ତେବେ ହରିୟାଣା ରାଜ୍ୟ ରୋହଟକ ଜିଲ୍ଲାର ସଞ୍ଜୀବ ସିଂହ, ସୁମିତ ଓ ହରିୟାଣା ରାଜ୍ୟ ଇଟାଟ ଜିଲ୍ଲାର କୁଲଦୀପକୁ ପୋଲିସ ଗିରଫ କରିଛି । ପୋଲିସର ସୂଚନା ଅନୁସାରେ ଏହି ୩ ଜଣ ବିଭିନ୍ନ ATMରେ ଜଗି ରହୁଥିବା ବେଳେ ଟଙ୍କା କାଢ଼ିବାକୁ ଆସୁଥିବା ଲୋକଙ୍କୁ ଏମାନେ ଅତି ଚତୁରତା ସହ ଟାର୍ଗେଟ କରୁଥିଲେ।