ଅନୁଗୋଳ: ପରିବା ବଜାରର ମହଙ୍ଗା ମାଡ଼ ଏବେ ରୋଷେଇ ଘରେ ପଡିଛି । ଏଭଳି ସ୍ଥିତି ଦେଖିବାକୁ ମିଳିଛି ଅନୁଗୋଳ ଜିଲ୍ଲାରେ । ଦୈନିକ ପରିବା ବଜାରରେ ବାଇଗଣ ଦର ୫୦ଟଙ୍କା, ଭେଣ୍ଡି ୬୦, ପୋଟଳ ୭୦, ଟମାଟୋ କିଲୋ ପିଛା ୬୦ ଟଙ୍କା ଦର ରହିଛି । ଆଉ ବନ୍ଧାକୋବି ହେଉକି ଫୁଲକୋବି ହେଉ ଗୋଟା ଅତିକମରେ ୪୦ ଟଙ୍କାରେ ବିକ୍ରି ହେଉଛି। ଏ ପରିସ୍ଥିତିରେ ପରିବା କିଣିଲେ ବ୍ୟାଗର ଗୋଟିଏ କୋଣକୁ ପଡୁନଥିବା ଲୋକେ କହିଛନ୍ତି ।
ଆକାଶ ଛୁଆଁ ପରିବା ଦର ଯୋଗୁଁ ଲୋକେ ଏବେ କିଲୋ ବଦଳରେ ଅଢେଇଶ ଗ୍ରାମ ହିସାବରେ ପରିବା କିଣୁଛନ୍ତି । ଆଉ ଗ୍ରାହକଙ୍କ ଏଭଳି କିଣିବା ବେପାରୀଙ୍କ ପକାଇଛି ଚିନ୍ତାରେ । ଏମିତି ସ୍ଥିତିରେ ଆଳୁ ପିଆଜ ଦର ଲୋକଙ୍କୁ କନ୍ଦାଉଛି । ଆଳୁ କିଲୋ ପିଛା ୨୫ ରୁ ୩୦ ଟଙ୍କାରେ ବିକ୍ରି ହେଉଥିବାବେଳେ ପିଆଜ କିଲୋ ପିଛା ଅତି କମରେ ୬୦ରୁ ଆରମ୍ଭ ହୋଇ ୬୫ ଟଙ୍କା ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର