ଘାଟି ଅତିକ୍ରମ ବେଳେ ଜଳିଗଲା ଟ୍ରକ

ଅନୁଗୋଳ ଜିଲ୍ଲାରେ ଘାଟି ଅତିକ୍ରମ କଲାବେଳେ ଟ୍ରକରେ ହଠାତ ନିଆଁ ଲାଗିଯାଇ ଟ୍ରକଟି ସମ୍ପୂର୍ଣ୍ଣ ଭାବରେ ଜଳିଯାଇଛି । ଘଟଣାସ୍ଥଳରେ ପୋଲିସ ଏବଂ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।

ଅନୁଗୋଳ: ଘାଟିରେ ଚଢିବା ସମୟରେ ଜଳିଗଲା ଟ୍ରକ । ଘାଟିରେ ଅତିକ୍ରମ କରୁଥିବା ବେଳେ ହଠାତ ଧୂଆଁ ବାହାରି ଚାହୁଁ ଚାହୁଁ ଟ୍ରକଟି ଜଳିଯାଇଥିଲା ।

ସୂଚନା ଅନୁଯାୟୀ ଅନୁଗୋଳ ଜିଲ୍ଲା ପାଲଲହଡା ଆଡୁ ନଗିରା ଘାଟି ରାସ୍ତା ଦେଇ କେନ୍ଦୁଝର ଜିଲ୍ଲାକୁ ଯାଉଥିବା ଏକ ଟ୍ରକ (OR-05AJ-4244) ହଠାତ ଟ୍ରକରୁ ଧୂଆଁ ବାହାରିଥିଲା ଏବଂ ଚାହୁଁ ଚାହୁଁ ଟ୍ରକ ମଧ୍ୟରେ ନିଆଁ ବ୍ୟାପି ଯାଇଥିଲା । ନିଆଁ ଲାଗିବା ଦେଖି ଡ୍ରାଇଭର ଗାଡିରୁ ବାହାରି ପଡିଥିଲା । କିଛି କ୍ଷଣ ମଧ୍ୟରେ ଟ୍ରକଟି ସମ୍ପୂର୍ଣ୍ଣ ଭାବରେ ଜଳିଯାଇଛି । ଖବର ପାଇ ପାଲଲହଡା ପୋଲିସ ଏବଂ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି I ପୋଲିସ ଘଟଣାର ଅଧିକ ତଦନ୍ତ ଜାରିରଖିଛି। ତେବେ ଟ୍ରକର କୌଣସି ଯାନ୍ତ୍ରିକ ତ୍ରୁଟି ଯୋଗୁ ଏଭଳି ଘଟିଥାଇ ପାରେ ବୋଲି ଅନୁମାନ କରାଯାଉଛି I

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ