ଅନୁଗୋଳ: ଦଣ୍ଡ ନାଚ ଦେଖି ଫେରିବାବେଳେ ଚଢିଗଲା ଟ୍ରକ । ଏହି ର୍ଦୁଘଟଣାରେ ତିନି ଜଣ ପ୍ରାଣ ହରାଇଥିବା ସୂଚନା ମିଳିଛି । ତେବେ ଏଭଳି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲା 55ନଂ ଜାତୀୟ ରାଜପଥର କାଲଟାକ୍ସ ଛକ ନିକଟରେ । ଏହାର ପ୍ରତିବାଦରେ ଗୁରୁବାର ମୃତକଙ୍କ ପରିବାର 55ନଂ ଜାତୀୟ ଅବରୋଧ କରିଛନ୍ତି ।
ଭିଡିଓ ସୌଜନ୍ୟ:ସମ୍ବାଦଦାତା, ଅନୁଗୋଳ
ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତ୍ରିରେ 55 ନଂ ଜାତୀୟ ରାଜପଥର ଅନୁଗୋଳ କାଲଟାକ୍ସ ଛକ ଛକ ନିକଟରେ ତିନିଜଣ ବ୍ୟକ୍ତି ଦଣ୍ଡ ନାଚ ଦେଖି ସ୍କୁଟି ଯୋଗେ ଘରକୁ ଫେରୁଥିଲେ । ଏହି ସମୟରେ ଏକ ଟ୍ରକ ସେମାନଙ୍କୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣେ ଗୁରୁତର ଭାବେ ଆହତ ହୋଇଥିଲେ। ଆହତଙ୍କୁ କଟକ ସ୍ଥାନାନ୍ତରିତ କରାଯାଇଥିବାବେଳେ ସେଠାରେ ତାଙ୍କର ମୃତ୍ୟୁ ହୋଇଛି ।