ଅନୁଗୋଳ: ଚଳିତ ମାସ 1 ତାରିଖରୁ ସଡକ ସୁରକ୍ଷା କଡାକଡ଼ି ହୋଇଥିବାରୁ ପୁଣି ଅନୁଗୋଳ ଆରଟିଓ ଅଫିସରେ ପ୍ରବଳ ଭିଡ ଦେଖିବାକୁ ମିଳିଛି । ଲୋକେ ଡ୍ରାଇଭିଂ ଲାଇସେନ୍ସ କରିବା ପାଇଁ ଅଫିସରେ ସକାଳ ୧୦ ଟାରୁ ସନ୍ଧ୍ୟା ପର୍ଯ୍ୟନ୍ତ ଲମ୍ବା ଲାଇନ ଲଗାଉଥିବା ଦେଖିବାକୁ ମିଳୁଛି ।
ଯାଞ୍ଚ କଡାକଡି, ବର୍ତ୍ତିବା ପାଇଁ ଆରଟିଓ ଅଫିସରେ ପ୍ରବଳ ଭିଡ
ଗାଡି ଚାଳନା ପରୀକ୍ଷା କରାଯାଇଥିବା ସ୍ଥାନରେ ମଧ୍ୟ ଏଭଳି ପରିସ୍ଥିତି । ମହିଳା ଓ ଯୁବତୀମାନେ ମଧ୍ୟ ଲାଇସେନ୍ସ ପାଇଁ ଲମ୍ବା ଲାଇନରେ ଠିଆ ହୋଇ ରହୁଛନ୍ତି । ସରକାରଙ୍କ ତରଫରୁ ୩ମାସରୁ ଅଧିକ ମହଲତ ଦିଆ ଯାଇଥିଲେ ମଧ୍ୟ କିଛି ଲୋକ ଏହାକୁ ହାଲୁକା ଭାବେ ନେଇ ନିଜ ନିଜର ଲାଇସେନ୍ସ ଓ ଅନ୍ୟାନ୍ୟ କାଗଜପତ୍ର କରି ନଥିଲେ ।