ଅନୁଗୋଳ: ଗ୍ରୀନ ଜୋନରେ ବସ ଚଳାଚଳକୁ ସରକାରଙ୍କ ଅନୁମତି ସତ୍ତ୍ବେ ଅନୁଗୋଳ ଜିଲ୍ଲାରେ ଗଡିବନି ଯାତ୍ରୀବାହୀ ବସ। ଏହି ନିଷ୍ପତ୍ତି ନେଇଛି ଜିଲ୍ଲା ବସ ମାଲିକ ସଂଘ। 50 ପ୍ରତିଶତ ଯାତ୍ରୀଙ୍କୁ ନେଇ ବସ ଚଳାଇବା ସମ୍ଭବ ନୁହେଁ ବୋଲି କହିଛି ସଂଘ ।
‘50 ପ୍ରତିଶତ ଯାତ୍ରୀ ନେଇ ବସ ଚଳାଇବା ଅସମ୍ଭବ’
ଜିଲ୍ଲା ଭିତରେ ଚାଲୁଥିବା ପ୍ରାୟ 300ବସ ଓ ରାଜ୍ୟ ଭିତରେ ଚାଲୁଥିବା 200ରୁ ଅଧିକ ବସ ଚଳାଚଳ କରିବ ନାହିଁ। ଫଳରେ ହଜାର ହଜାର ସଂଖ୍ୟାରେ ଯାତ୍ରୀ ହଇରାଣ ହେବେ। ସେପଟେ ବସ ମାଲିକ ସଂଘର ଅଭିଯୋଗ ଶତକଡା 50ଭାଗ ଯାତ୍ରୀଙ୍କୁ ନେଇ ବସ ଚଳାଇବାକୁ ସରକାର ଯେଉଁ ନିଷ୍ପତି ନେଇଛନ୍ତି ସେଥିରେ ବସ ଚଳାଇବା ଆଦୌ ସମ୍ଭବ ନୁହେଁ।