ଅନୁଗୋଳରେ କଲରାପତରିଆ ବାଘ ଆତଙ୍କ: ଜଣେ ଗୁରୁତର

ଦିନକୁ ଦିନ ବଢୁଛି ବନ୍ୟଜନ୍ତୁଙ୍କ ପ୍ରାଦୁର୍ଭାବ । କେତେବେଳେ ହାତୀ ତ ଆଉ କେତେବେଳେ ଭାଲୁ ଓ ବାଘ ଆକ୍ରମଣରେ ଚାଲିଯାଉଛି ଲୋକଙ୍କ ଜୀବନ । ଆଜି ଅନୁଗୋଳ ଅନ୍ତୁଳିଆ ଗାଁରେ କଲରାପତରିଆ ବାଘ ଆକ୍ରମଣରେ ଜଣେ ଗୁରୁତର ହୋଇଛନ୍ତି ।

ଅନୁଗୋଳ: ଜିଲ୍ଲାର ଅନ୍ତୁଳିଆ ଗାଁରେ ଅଘଟଣ । ବାଘ ଆକ୍ରମଣରେ ଚିତ୍ତରଞ୍ଜନ ଦଳବେହେରା ଗୁରୁତର ହୋଇଛନ୍ତି । ଚିକିତ୍ସା ପାଇଁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।

ଜଙ୍ଗଲକୁ ଛତୁ ତୋଳିବାକୁ ଯାଇଥିବା ବେଳେ ବାଘ ଆକ୍ରମଣର ଶିକାର ହୋଇଥିଲେ ଚିତ୍ତରଞ୍ଜନ । କଲରାପତରିଆ ବାଘ ଆକ୍ରମଣରେ ସେ ଆହତ ହୋଇଥିବା ସୂଚନା ରହିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ