ଅନୁଗୋଳ: ସନ୍ଧ୍ୟା ସମୟରେ ଲୁଟେରାଙ୍କ ଆତଙ୍କରାଜ । ଘରେ ପଶି ଶାଶୁ-ବୋହୂଙ୍କୁ ଗୁଳିମାଡ ସହ ସୁନାଗହଣା ଲୁଟି ନେଲେ ଦୁର୍ବୃତ୍ତ । ମଙ୍ଗଳବାର ଅନୁଗୋଳ ଜିଲ୍ଲା ଜରପଡା ଥାନା ଅନ୍ତର୍ଗତ ତୁବେ ଗାଁରେ ଏଭଳି ଲୁଟପାଟ ଘଟିଛି । ଦୁଇ ଶାଶୁ-ବୋହୂ ଘରେ ଏକାକୀ ଥିବାବେଳେ ୩ ଜଣ ଦୁର୍ବୃତ୍ତ ଘରେ ପଶି ସେମାନଙ୍କ ଉପରେ ଗୁଳି ଚଳାଇବା ସହ ଲୁଟପାଟ କରିଛନ୍ତି । ଆକ୍ରମଣରେ ଶାଶୁ ସୁଲୋଚନା ସାହୁ ଗୁରୁତର ଆହତ ହୋଇଛନ୍ତି । ଚିକିତ୍ସା ପାଇଁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ଘରେ ପଶି ଶାଶୁ-ବୋହୂଙ୍କୁ ଗୁଳିମାଡ ସହ ଲୁଟ୍; ଜଣେ ଗୁରୁତର
ସୂଚନାଯୋଗ୍ୟ, ସନ୍ଧ୍ୟା ସମୟରେ ସୁଲୋଚନା ଏବଂ ତାଙ୍କ ବୋହୂ ଘରେ ବସି ଟିଭି ଦେଖୁଥିଲେ । ଏହି ସମୟରେ ହଠାତ୍ ୩ ଜଣ ଦୁର୍ବୃତ୍ତ ଘରେ ପଶିଥିଲେ । ସେମାନେ ଶାଶୁ-ବୋହୂଙ୍କୁ ଗୁଣିଗାରେଡି କରୁଛ କହି ପାଟିତୁଣ୍ଡ କରିଥିଲେ । ଏହାପରେ ସେମାନଙ୍କ ଉପରେ ଗୁଳିମାଡ କରି ଘରେ ଥିବା ସୁନାଗହଣା ଲୁଟି ନେଇ ଫେରାର ହୋଇଯାଇଥିଲେ । ଆକ୍ରମଣରେ ସୁଲୋଚନାଙ୍କ ବାମ କାନ୍ଧରେ ଗୁଳି ବାଜିଛି ।