କଟକଣା ମଧ୍ୟରେ ଅନୁଗୋଳରୁ ବିଦାୟ ନେଲେ ମା’

ଚାରି ଦିନର ପୂଜା ପରେ ଆଜି ଧରାପୃଷ୍ଠରୁ ବିଦାୟ ନେଉଛନ୍ତି ମା’ ଯୋଗମାୟା। କୋଭିଡ କଟକଣା ମଧ୍ୟରେ ମା’ଙ୍କୁ ବିଦାୟ ଦେଉଛନ୍ତି ଅନୁଗୋଳବାସୀ। ଅଧିକ ପଢନ୍ତୁ...

ଅନୁଗୋଳ: ବେଶ ନିରାଡ଼ମ୍ବର ଭାବେ ଆଜି ମା’ ଦୁର୍ଗାଙ୍କ ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରତ୍ୟେକ ପୂଜା କମିଟି ମାତ୍ର ଦୁଇଟି ଢୋଲ ବାଦ୍ୟ ଓ ଘଣ୍ଟ ବଜାଇ ନିର୍ଦ୍ଦିଷ୍ଟ ସଂଖ୍ୟକ ସଦସ୍ୟଙ୍କ ଗହଣରେ ମା’ଙ୍କ ମୂର୍ତ୍ତି ଆଣି ଜଳାଶୟରେ ବିସର୍ଜନ କରିଥିଲେ।

ଅସ୍ଥାୟୀ ମୂର୍ତ୍ତି ବିସର୍ଜନ ସ୍ଥଳର ବ୍ୟବସ୍ଥା କରିଛି ପ୍ରଶାସନ । କିନ୍ତୁ, ତାହା ବହୁ ବିଳମ୍ବରେ କରାଯାଇଥିବାରୁ କେତେକ କମିଟି କେନାଲରେ ମୂର୍ତ୍ତି ବିସର୍ଜନ କରିଥିଲେ। ଏହାକୁ ନେଇ ଅସନ୍ତୋଷ ମଧ୍ୟ ଦେଖା ଦେଇଥିଲା।

ତେବେ ଗତବର୍ଷ ପରି ଏବର୍ଷ ମଧ୍ୟ ବିନା କୌଣସି ବାଜା ଓ ବାଣରେ ମା’ଙ୍କୁ ବିଦାୟ ଦେବାକୁ ପଡିଥିଲା। ଫଳରେ ସମସ୍ତଙ୍କ ମନରେ ଦୁଃଖ ଖେଳିଯାଇଥିଲା। ଅନୁଗୋଳ ସହର ରେ 10 ରୁ ଅଧିକ ମଣ୍ଡପରେ ମା’ଙ୍କୁ ପୂଜା କରାଯାଇଥିଲା। କଟକଣାକୁ ମାନି ସମସ୍ତେ ମା’ଙ୍କୁ ଏଥର ଆରାଧନା କରିଥିଲେ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ