ଅନୁଗୋଳ: କୋରୋନା ମହାମାରୀ କାରଣରୁ ଏଥର ଦୀପାବଳିରେ ବାଣ ଫୁଟାଇବା ଓ ବିକ୍ରିରେ ରୋକ୍ ଲଗାଇଛନ୍ତି ରାଜ୍ୟ ସରକାର । ଏଥିସହ ନିୟମ ଉଲ୍ଲଙ୍ଘନକାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି ।
ଅନୁଗୋଳରୁ ବିପୁଳ ପରିମାଣର ବାଣ ଜବତ
ଏହି ପରିପ୍ରେକ୍ଷୀରେ ପୋଲିସ ଓ ସ୍ଥାନୀୟ ପ୍ରଶାସନ ପକ୍ଷରୁ ଅନୁଗୋଳର ଓ୍ବାର୍ଡ ନମ୍ବର-13 ହାଟତୋଟାର ଟିମା ସାହୁଙ୍କ ବାସଭବନରୁ ବିପୁଳ ପରିମାଣର ବାଣ ଜବତ କରାଯାଇଛି । ସୂଚନା ଅନୁଯାୟୀ ତାଳଚେର ଉପଜିଲ୍ଲାପାଳ ରଜନୀକାନ୍ତ ସ୍ବାଇଁ, ତହସିଲଦାର ଗୌରୀ ନାଏକ, ପୌରପାଳିକା ଅତସୀ ପରିଡା ସଦର ଥାନା ଅଧିକାରୀ ସତ୍ୟବ୍ରତ ରାଉତ ଚୋରା ବାଣ ଗଚ୍ଛିତ ଥିବା ଖବର ପାଇ ଟିମା ସାହୁଙ୍କ ବାସଭବନରେ ଚଢ଼ାଉ କରିଥିଲେ ।