ଅନୁଗୋଳ: ଜିଲ୍ଲା ମୁଖ୍ୟ ଚିକିତ୍ସାଳୟରେ ପ୍ରସୂତିଙ୍କଠାରୁ ଲାଞ୍ଚ ନେବା ଘଟଣାର ତଦନ୍ତ କଲେ ସ୍ୱାସ୍ଥ୍ୟ ନିର୍ଦେଶକ। ଗତ କିଛିଦିନ ହେବ ପ୍ରସୂତି ବିଭାଗରେ ମହିଳାଙ୍କ ଠାରୁ ଲାଞ୍ଚ ନେବା ଆଭିଯୋଗ ହୋଇଥିଲା ।
ପ୍ରସୂତିଙ୍କ ଠୁ ଲାଞ୍ଚ ନେବା ଘଟଣାର ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ତଦନ୍ତ କଲେ ସ୍ୱାସ୍ଥ୍ୟ ନିର୍ଦେଶକ
ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କରିବା ସହ ବିଭିନ୍ନ କାର୍ଯ୍ୟର ଅନୁଧ୍ୟାନ କରିଛନ୍ତି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ କୁମାର ମହାପାତ୍ର । ସେ ଜିଲ୍ଲା ମୁଖ୍ୟ ଚିକିତ୍ସାଳୟର ବିରୁଦ୍ଧରେ ଆସୁଥିବା ବିଭିନ୍ନ ଅଭିଯୋଗର ମଧ୍ୟ ତଦନ୍ତ କରିଛନ୍ତି। ବିଶେଷ କରି ପ୍ରସବ ସମୟରେ ପ୍ରସୂତିଙ୍କ ଠାରୁ ଟଙ୍କା ନେବା ଘଟଣାର ତଦନ୍ତ କରିଛନ୍ତି ନିର୍ଦ୍ଦେଶକ । ଗତ ଚାରି ମାସ ମଧ୍ୟରେ ଜିଲ୍ଲା ଚିକିତ୍ସା ଲୟକ ପ୍ରସବ ପାଇଁ ଆସୁଥିବା ମହିଳା ମାନଙ୍କ ଠାରୁ ଜୁଲମ କରି ଟଙ୍କା ଆଦାୟ କରାଯାଉଥିବା ଅଭିଯୋଗ ହୋଇ ଆସୁଥିଲା ଯାହାର ତଦନ୍ତ କରାଯାଇଛି ।