ଅନୁଗୋଳ: ଯୋଗମାୟାଙ୍କ ବିଦାୟ ପରେ ଧରାପୃଷ୍ଠକୁ ଓହ୍ଲାଇ ଆସିଛନ୍ତି ଧନଦାତ୍ରୀ । ଗଜଲକ୍ଷ୍ମୀ ପୂଜା ଅବସରରେ ଚଳଚଞ୍ଚଳ ହୋଇ ଉଠିଛି ଅନୁଗୋଳ ସହର । ଏଥର ଜିଲ୍ଲାର ସମସ୍ତ ଗ୍ରାମାଞ୍ଚଳରେ ମା'ଙ୍କ ପୂଜା ବେଶ ଧୁମଧାମରେ ହେଉଛି । କେବଳ ସହରରେ ୨୯ଟି ମଣ୍ଡପରେ ମହାଲକ୍ଷ୍ମୀ ପୂଜା ପାଉଛନ୍ତି । ଏଥିପାଇଁ ସାରା ସହର ସଜେଇ ହୋଇଛି ।
କୁମାର ପୂର୍ଣ୍ଣିମା ଦିନ ଠାରୁ ମା'ଙ୍କୁ ଆବାହନ ବିଧି ରହିଥିଏ । ଏହି ପରିପ୍ରେକ୍ଷୀରେ ସମସ୍ତ ମଣ୍ଡପରେ ବିଧି ପୂର୍ବକ ପୂଜାର୍ଚ୍ଚନା ହୋଇଛି । ରବିବାର ବିଳମ୍ବିତ ରାତିରେ କଳସ ଯାତ୍ରା କରି ମଣ୍ଡପ କର୍ମକର୍ତ୍ତାମାନେ ଗଙ୍ଗା ଆବାହନ କରିବା ସହ ଆବାହନୀ ପୂଜା କରାଯାଇଥିଲା । ମା'ଙ୍କ ପ୍ରାଣପ୍ରତିଷ୍ଠା ଚକ୍ଷୁ ଦାନ ପରେ ଷୋଡ଼ଶ ଉପଚାରରେ ପୂଜା ଆରମ୍ଭ ହେଉଛି । ଗଜଲକ୍ଷ୍ମୀ ପୂଜା ନେଇ ସମଗ୍ର ଅନୁଗୋଳ ସହର ରଙ୍ଗୀନ ଆଲୋକରେ ସଜେଇ ହୋଇଛି । ସହର ସାରା ଛାଇ ଯାଇଛି ଆଲୋକରମାଳା ।
ଚଳଚଞ୍ଚଳ ଅନୁଗୋଳ, ୧୧ ଦିନ ଧରି ଜମିବ ଗଜଲକ୍ଷ୍ମୀ ପୂଜା