ଅନୁଗୋଳ:ଆସନ୍ତା ୨୪ ତାରିଖରେ ପୌର ନିର୍ବାଚନ । ଏହାକୁ ନେଇ ଏବେ ପ୍ରଚାରକୁ ଜୋରଦାର କରୁଛନ୍ତି ପ୍ରାର୍ଥୀ । ଏହାରି ମଧ୍ୟରେ ଜିଲ୍ଲାର ଆଠମଲ୍ଲିକ ଏନଏସିରେ ପ୍ରଚାର ମୈଦାନରୁ ଆସିଛି ଭିନ୍ନ ଦୃଶ୍ୟ । ଏଠାରେ ବିଜେପି ପ୍ରାର୍ଥୀ ମାନଙ୍କ ପାଇଁ ପୂର୍ବତନ ମନ୍ତ୍ରୀ ସଞ୍ଜୀବ ସାହୁ ରାଲି ପରିବର୍ତ୍ତେ ବୈଠକ କରି ଭୋଟ ମାଗୁଥିବା ଦେଖିବାକୁ ମିଳିଛି ।
Municipal Poll: ସଞ୍ଜୀବଙ୍କ ଭିନ୍ନ ରଣନୀତି, ରାଲି ନୁହେଁ ବୈଠକ କରି ମାଗୁଛନ୍ତି ଭୋଟ୍
ପୂର୍ବତନ ମନ୍ତ୍ରୀ ସଞ୍ଜୀବ NAC 11 ଓ 7 ନଂ ୱାର୍ଡରେ ଦଳୀୟ ପ୍ରାର୍ଥୀଙ୍କ ପାଇଁ ଘନ ଘନ ପ୍ରଚାର କରୁଛନ୍ତି । ସଞ୍ଜୀବ କୌଣସି ପଦଯାତ୍ରା ଏବଂ ରୋଡ଼ ସୋ ଅପେକ୍ଷା ପ୍ରତି ୱାର୍ଡରେ ପହଞ୍ଚି ଭୋଟର ମାନଙ୍କୁ ଏକାଠି କରି ବୈଠକ କରୁଛନ୍ତି । ଅନୁଗୋଳ ଜିଲ୍ଲାର ଆଠମଲ୍ଲିକ NACରେ ଶାସକ ବିଜେଡିକୁ ମାତ୍ ଦେଉଛି ବିରୋଧୀ ବିଜେପି । ଏଠି ପ୍ରଚାରର ମଙ୍ଗ ଧରିଛନ୍ତି ନିକଟରେ ବିଜେପିରେ ସାମିଲ ହୋଇଥିବା ସଞ୍ଜୀବ ସାହୁ । ପ୍ରଚାର ଷ୍ଟ୍ରାଟେଜିକୁ ପୁରା ଭିନ୍ନ କରି ସେ ୱାର୍ଡ ୱାର୍ଡରେ ସଭା କରୁଛନ୍ତି ।