ଅନୁଗୋଳ: ଗୋଟିଏ ଦିନରେ 5 ନିରୀହ ଜୀବନ ନେଇ ନରହନ୍ତା ପାଲଟିଥିଲା ଦନ୍ତା । ଦନ୍ତାର ଏହି ଉତ୍ପାତରେ ସ୍ଥାନୀୟ ଲୋକେ ଭୟଭୀତ ଥିବା ବେଳେ ବନ ବିଭାଗ ଏନେଇ ଦନ୍ତାକୁ ଟ୍ରାଙ୍କୁଲାଇଜ କରିଛି । ଏଥିସହ ଦନ୍ତାର ଦାନ୍ତ ମଧ୍ୟ କାଟିଛି ବନ ବିଭାଗ ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ଅନୁଯାୟୀ ଏକ ସ୍ବତନ୍ତ୍ର ନିଶ୍ଚେତକ ଦଳ ହାତୀକୁ ଟ୍ରାଙ୍କୁଲାଇଜ କରିବା ପରେ ଏହାର ଦାନ୍ତ କାଟି ନେଇଛନ୍ତି । ତାଳଚେର ରେଞ୍ଜର ଖୁଲୁଆଠାରେ ଭୁବନେଶ୍ବରରୁ ଆସିଥିବା ତିନି ଜଣିଆ ବିଶେଷଜ୍ଞ ଦଳ ହାତୀକୁ ଟ୍ରାଙ୍କୁଲାଇଜ କରିଥିଲେ । ପ୍ରକାଶ ଯେ ଗୁରୁବାର ବିଳମ୍ବିତ ରାତିରେ ହାତୀଟି ବ୍ରାହ୍ଣଣୀ ନଦୀ ପାର ହୋଇ ତାଳଚେର ରେଞ୍ଜର ଷଣ୍ଢ ଗାଁରେ ପଶି ଏକାସାଙ୍ଗରେ 5 ଜଣଙ୍କୁ ଦଳି ଦେଇଥିଲା ।