ଅନୁଗୋଳ: ଟିକିଏ ଭଲ କରି ଦେଖନ୍ତୁ ଏହି ଦୃଶ୍ୟ । କିପରି ପୋଲଟି ଭାଙ୍ଗି ପଡିଛି । ଆଉ ଅସୁବିଧାରେ ଯାତାୟାତ କରୁଛନ୍ତି ସ୍ଥାନୀୟ ଲୋକେ । କୌଣସି ଦୂର୍ବିପାକ ନୁହେଁ ବରଂ ନୂଆ ପୋଲ ନିର୍ମାଣ ହେବ ବୋଲି ଠିକାଦାର ଏହି ପୋଲକୁ ଭାଙ୍ଗି ଦେଇଛନ୍ତି । କିନ୍ତୁ ନୂଆ ପୋଲ ତ ଦୂରର କଥା ପୁରୁଣା ପୋଲକୁ ନେଇ ନାନା ସମସ୍ୟା ଭୋଗୁଛନ୍ତି ଲୋକେ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଅନୁଗୋଳ ବ୍ଲକର ଖିଣ୍ଡା ପଞ୍ଚାୟତ ଦେଇ ବହି ଯାଇଛି ରୁକୁଣା ନାଳ । ଏହି ନାଳ ଉପରେ ଅନେକ ଦିନ ପୂର୍ବରୁ ପାଇପ ପକାଯାଇ ଏକ ପୋଲ ନିର୍ମାଣ କରାଯାଇଥିଲା । ଆଉ ଏହା ଉପରେ ନିର୍ଭର କରୁଥିଲେ 5ଟି ପଞ୍ଚାୟତର ଲୋକେ ।
ବର୍ଷା ଦିନେ ପୋଲଟି ବୁଡି ଯାଉଥିବାରୁ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଏକ ନୂଆ ପୋଲ ନିର୍ମାଣ ପାଇଁ ୫୨ ଲକ୍ଷ ଟଙ୍କା ବ୍ୟୟ ବରାଦ ହୋଇଥିଲା । କିଏ କାମ କରିବ ତା ମଧ୍ୟ ଧାର୍ଯ୍ୟ ହୋଇ କାର୍ଯ୍ୟାଦେଶ ମିଳିଥିଲା । ହେଲେ ନିର୍ମାଣ କାମ ନେଇଥିବା ଠିକାଦାର ପୁରଣା ପୋଲ ଭାଙ୍ଗି ଫେରାର ହୋଇଯାଇଛି ।